ក្រុមចោរបានលួច iPhone និង iPad ចេញពីរថយន្តដឹកទំនិញមួយនៅក្នុងប្រទេសអាល្លឺម៉ង់ កាលពីថ្មីៗនេះ ដោយគិតជាទឹកប្រាក់មានចំនួនប្រមាណ ៩៥.២២១ដុល្លារអាមេរិក។
យោងតាមសំដីរបស់អាជ្ញាធរបានឲ្យដឹងថា អ្នកបើកបរមិនបានដឹងថាក្រុមចោរបានលួច iPhone និង iPad ចេញពីរថយន្តនៅពេលណានោះទេ ប៉ុន្តែប្រហែលជានៅពេលដែលគាត់ឈប់ចូលបន្ទប់ទឹកមួយកន្លែងដោយចំណាយពេលប្រមាណជាង ពីរទៅបីម៉ោង។
ប៉ូលិសបានសន្និដ្ឋានថា ក្រុមចោរបានតោងឡើងពីក្រោយរថយន្ត រួចក៏ចាប់ផ្ដើមលួច iPhone និង iPad នោះតែម្ដង ហើយបើតាមរបាយការណ៍ ក្រុមចោរលួចបាន iPad ចំនួន ១២៥គ្រឿង iPad mini ចំនួន ៤គ្រឿង iPhone ប្រមាណ ៣០ និង Keyboard Apple ចំនួន ២គ្រឿង ដែលគិតជាទឹកប្រាក់ប្រមាណ ៩៥.២២១ដុល្លារអាមេរិក។
នេះមិនមែនជាហេតុការណ៍ដំបូងនោះទេ ដែលមានក្រុមចោរលួច iPhone នៅក្នុងប្រទេសអាល្លឺម៉ង់នោះ ដោយកាលពីចុងឆ្នាំ ២០១៣ មានក្រុមចោរមួយក្រុមបានបើករថយន្តសំរុកចូលក្នុងហារលក់ Apple Store ក្នុងទីក្រុងប៊ែកឡាំង ដោយបានប្រមូលយក Mac, iPad និង iPhone ជាច្រើនគ្រឿង។
គួរបញ្ជាក់ផងដែរ ហេតុការណ៍ចោរលួច iPhone នៅក្នុងប្រទេសអាល្លឺម៉ង់បានកើនឡើងជារៀងរាល់ខែជាពិសេសបានកើនឡើងខ្ពស់ក្នុងឆ្នាំ ២០១៣៕
មតិយោបល់