Facebook ត្រូវបានគេស្គាល់ថាជាបណ្ដាញទំនាក់ទំនងសង្គមយក្ស ដោយមានអ្នកប្រើប្រាស់ច្រើនជាងគេ ជាពិសេសគឺយុវវ័យ។ ប៉ុន្តែថ្មីៗនេះ របាយការណ៍ស្រាវជ្រាវចុងក្រោយបានបញ្ជាក់ថា បណ្ដាញមួយនេះបានចាប់ផ្ដើមបាត់បង់យុវវ័យបន្ដិចម្ដងៗ។
យោងតាមស្ទង់មតិ និងស្រាវជ្រាវទៅលើបណ្ដាញ Facebook បានរកឃើញថា មានយុវវ័យ ឬក្មេងជំទង់ប្រមាណ ១៧០.០០០នាក់ នៅក្នុងប្រទេសចំនួន ៣២ បានកាត់បន្ថយការលេង Facebook ។
ក្រុមអ្នកវិភាគបានលើកឡើងថា អ្នកប្រើប្រាស់បណ្ដាញសង្គម Facebook ភាគច្រើនចូលមើលរាល់ថ្ងៃគឺចង់ដឹងពី Status ទាំងឡាយដែល Friends បានចែករំលែក ប៉ុន្តែយុវវ័យបានប្រើវាសម្រាប់ធ្វើការទំនាក់ទំនង ដូចជា Chat ជាដើម។ មូលហេតុដែលនាំឲ្យ Facebook បាត់បង់យុវវ័យនោះគឺដោយសារតែការប្រើប្រាស់ WhatsApp កើនឡើង ហើយមិនមែនមានតែ WhatsApp នោះទេ គឺនៅមាន Viber, Line និងកម្មវិធីផ្សេងទៀតជាច្រើនទៀត ដែលផ្ដល់នូវភាពងាយស្រួលសម្រាប់យុវវ័យក្នុងការទំនាក់ទំនងគ្នា៕
មតិយោបល់