ភ្នំពេញ៖ ការនាំចេញកៅស៊ូស្ងួតរបស់ប្រទេសកម្ពុជាបានកើនឡើង ៣៤ភាគរយ នៅក្នុងឆ្នាំ ២០១៣ ដោយសារតម្រូវការកើនឡើងនៅទូទៅពិភពលោក។ នេះបើយោងតាមតួលេខរបស់ក្រសួងពាណិជ្ជកម្ម បង្ហាញឲ្យដឹងនៅថ្ងៃព្រហស្បតិ៍។
ប្រទេសនេះ បាននាំចេញកៅស៊ូស្ងួតចំនួន ៧៤.២០០តោន កាលពីឆ្នាំមុន គឺបានកើនឡើង ៣៤ភាគរយ ដែលកាលពីឆ្នាំ ២០១២ មានចំនួន ៥៥.៣៤៤តោន ដែលទទួលបានប្រាក់ចំណូល ១៧០ លានដុល្លារ អាមេរិក។
ម៉ុក គឹមហុង ប្រធានសមាគមកៅស៊ូកម្ពុជា បានឲ្យដឹងនៅថ្ងៃព្រហស្បតិ៍ថា កៅស៊ូស្ងួតទម្ងន់មួយតោនមានតម្លៃប្រហែល ២.២០០ដុល្លារសហរដ្ឋអាមេរិក នៅក្នុងសប្តាហ៍នេះ ដោយបានធ្លាក់ចុះយ៉ាងខ្លាំងពី ៣.២៩០ដុល្លារសហរដ្ឋអាមេរិក នៅពេលនេះកាលពីឆ្នាំមុន។
“តម្រូវការកៅស៊ូនៅតែកើនឡើង ប៉ុន្តែតម្លៃគឺមិនល្អ”។ នេះជាសំដីរបស់លោក ម៉ុក គឹមហុងបានបន្ថែម។ លោកបានបន្តទៀតថា កៅស៊ូស្ងួតរបស់កម្ពុជាត្រូវបានគេលក់ទៅឲ្យប្រទេសចិន កូរ៉េខាងត្បូង ប្រទេសសិង្ហបុរី ម៉ាឡេស៊ី និងបណ្តាប្រទេសនៅតំបន់អឺរ៉ុប។
ប្រទេសកម្ពុជា បានដាំដើមកៅស៊ូ នៅលើផ្ទៃដី ប្រមាណជា ៣០០.០០០ហិកតា និងមានប្រហែល ៥៥.០០០ ហិកតា មានអាយុគ្រប់គ្រាន់៕
មតិយោបល់