មិនត្រឹមតែធំ ហើយខ្ពស់ វាគឺជាកណ្តុរយក្ស ដែលមានជំនាញលេងសៀក ខ្លាំងណាស់។
សហគមន៍អ្នកលេងអនឡាញចិននៅពេលថ្មីៗនេះដែរ បានធ្វើការពិភាក្សាទៅលើសត្វកណ្តុរយក្ស ដែលក្លាយជាប្រធានបទយ៉ាងក្តៅគគុក នៅ ទីក្រុងក្វាងចូវ។ សត្វកណ្តុរយក្សនេះដែរ ត្រូវបានគេចែករំលែកលើអនឡាញធ្វើការអធ្យាធិបាយ វែកញែក និងសួរថាតើនរណាដែលបានឃើញសត្វកណ្តុរនេះផ្ទាល់ភ្នែកអត់?
ធាតុពិតសត្វកណ្តុរយក្សនេះដែរ វាបានលេចមុខកាលពីឆ្នាំទៅ ក្នុងកម្មវិធីមួយរបស់ហាងដ៏ធំ នៅទីក្រុង ក្វាងចូវ កាលពីថ្ងៃទី ១៦ ខែ មករា ខណៈដែលកណ្តុរនេះឈរវាមានមានកម្ពស់ត្រឹមជង្គង់របស់ម្ចាស់វា ហើយមានជើងធំៗ ដែលមើលទៅគួរឲ្យខ្លាច។
តែអ្វីដែលប្លែកខុសពីមាឌធំ សត្វកណ្តុរនេះដែរ ត្រូវបានគេដឹងថា វាអាចឈរ និងអង្គុយ និងដើរ ទៅតាមម្ចាស់វាប្រាប់ ។ បើទោះបីជាអ្នកលេងអនឡាញចង់ដឹង ពីសត្វកណ្តុរយក្ស ក៏ប៉ុន្តែមានក្រុមមនុស្សមួយចំនួនធំក៏មានការប្រយុងប្រយ័ត្ននឹងខ្លាចចំពោះសត្វកណ្តុរនេះណាស់។ មនុស្សជាច្រើនបាននិយាយថា សត្វកណ្តុរនេះវាប្រហែលជាស៊ីអ្វីខុស ទើបមានរូបរាងធំយ៉ាងនេះ ៕
មតិយោបល់