កីឡាករ Lukas Podolski គ្រាន់តែបើកឆាកបាន ១៥ នាទីបានធ្វើ​ឲ្យក្លិប Arsenal ​ឡើងទៅកាន់ ជុំទី ៥ នៃក្របខណ្ឌ FA Cup ដោយ​បំបាក់ក្លិប Coventry ក្នុងលទ្ធផល ៤-០ កាលពីរាត្រីយប់មិញនេះ។​

គ្រាប់បាល់របស់ Lukas Podolski ដែលស៊ុតបំប៉ោងសំណាញនៅនាទី ១៥ ​ជាគ្រាប់បាល់ដែល​ទទួលបានពីការប៉ះយ៉ាងស្អាតរបស់កីឡាករ Mesut Ozil និង ១២ នាទីក្រោយ ​ខណៈដែល មិត្តរួមជាតិ Per Mertesacker បានស៊ុតបាល់ជ្រុង ខ្លួនក៏តែតបំប៉ោងសំណញ់តែម្តង​។​
កីឡាករ Olivier Giroud ដែលលេងក្នុង​លក្ខណៈបម្រុងកាលពីរាត្រីយប់មិញនេះដែរ ក៏បានរកគ្រាប់បាល់នៅនាទី ៨៤ ​ដែលជួយឲ្យ​ក្លិប កាំភ្លើងធំ ​នាំមុខ​ក្នុងលទ្ធផល ៣-០ ។ ទន្ទឹមជាមួយនឹងគ្នានេះដែរកីឡាករ បំរុងដែលលេងបានតែប៉ុន្មាននាទី ក៏រកគ្រាប់បាល់​ជូន​ក្លិបកាំភ្លើងធំដូចគ្នា ​​តាមពីក្រោយ៥ នាទីរបស់ Olivier Giroud នោះគឺកីឡាករ Santi Carzorla ។​

លទ្ធផលនេះដែរ ជាលទ្ធផល​ដែលបានរំពឹងទុករបស់ លោក Arsene Wenger ​ដែល​បាន​ផ្តល់បទសំភាសមុនការប្រកួត ដោយរំពឹង​ថាដាច់ខាត​ត្រូវតែឈ្នះ៕​
ទស្សនាវីដេអូឃ្លិបដូចខាង​ក្រោមនេះ​៖