លោក Sir Alex Ferguson បានជឿជាក់ថា នៅមាន​ប្រាំមួយក្រុម​ដែលកំពុងប្រជែងគ្នា​យក​ឈ្នះ​ ​ក្នុងក្របខណ្ឌ Premier League ហើយគាត់បានសារភាពថា ​​គាត់កំពុងតែរីករាយ ​​ជាមួយនឹង​កីឡាបាល់ទាត់ ដោយឃ្លាំមើល ក្នុងនាម​ជា​អ្នក​គាំទ្រ​។​

អតីតអ្នកចាត់ការទូទៅ ដ៏មានអំណាច របស់បិសាចក្រហម លោកបា​ន​ឲ្យដឹងថា ​អ្នកជិតខាង មេឃខៀវ​មើលទៅ​កំពុងស្ថិតនៅ​ចំណុចដ៏ល្អ ​​ដើម្បីបញ្ជាក់ថា ពានរង្វាន់​ក្នុងឆ្នាំ ​ដែលបញ្ចប់នៅខែ ឧសភា ជារបស់គេ តែសេចក្តី​រំភើបនៅរដូវកាលនេះ​នឹង​​​​ឃើញយ៉ាងម៉េចហើយ​។​ជាមួយនឹងគ្នានេះដែរ ក្លិបកំពូល​តារាង កាំភ្លើងធំ នៅរដូវកាលនេះ​ពិតជាធ្វើបានល្អខ្លាំងណាស់ ដោយមានគូប្រជែងកំពុងត្របាញ់ជើង ដូចជាមាន់ខ្នាយមាស តោខៀវ ​​ជាដើម​។​

លោកបានបន្តថា បើសិនជា​ក្លិប បិសាចក្រហម ​អាចធ្វើការដោះស្រាយ​​ ​នូវចំណុច​ដែលខ្វះខាតនៅប៉ុន្មាន ប្រកួតចុងក្រោយ​ នោះ ​​ដូច្នេះ វា​ជារឿងអស្ចារ្យបំផុត ​សម្រាប់ក្លិបមួយនេះ ក្នុងពានរង្វាន់ Premier League ។​

នៅពេលដែល​ខាងអ្នកសារព័ត៌មានសួរអំពី​ឱកាសរបស់បិសាចក្រហម លោក​បា​នថ្លែង​ឲ្យដឹងថា ​បិសាច​ក្រហម​អាចធ្វើអ្វីៗគ្រប់យ៉ាង ​ហើយពួកគេនឹង​អាចទទួល រឿង​ជាប្រវត្តិសាស្ត្រ​ដ៏​អស្ចារ្យ ។ ខ្ញុំកំពុ​ងតែទស្សនា​ដោយភាពរីករាយ លាយ​ឡំនឹងភាពខ្វល់ខ្វាយជាទីបំផុត ៕​