ភ្នំភ្លើងដែលមានឈ្មោះថា Taal ប្រទេសហ្វីលីពីន ជា ភ្នំភ្លើងនេះគឺត្រូវបានគេដឹងថាវាស្ថិតនៅលើកោះ Luzon ។ ភ្នំភ្លើងនេះត្រូវបានគេស្គាល់ថា«ភ្នំភ្លើងនៅក្នុងភ្នំភ្លើង» ពីព្រោះបឹងដែល ព័ទ្ធជុំវិញភ្នំភ្លើងនេះក៏ជាមាត់រណ្តៅនៃភ្នំភ្លើងដែរ ។ ភ្នំភ្លើង Taal នេះស្ថិតនៅត្រឹមតែ៣១ម៉ាយប៉ុណ្ណោះពីទីក្រុងម៉ានីឡា ។ អ្វីដែលគួរឱ្យកត់សម្គាល់នោះគឺថាវាមានទំហំធំជាងភ្នំភ្លើងឯទៀតក្នុងពិភពលោកប៉ុន្តែបែជាមានកម្ពស់ទាបជាងគេទៅវិញ ។
ភ្នំភ្លើង Vesuvius ប្រទេសអ៊ីតាលី៖គឺជាភ្នំភ្លើងតែមួយគត់ដែលស្ថិតនៅលើដីគោកនៃទ្វីបអឺរ៉ុបក្នុងរយៈពេលប៉ុន្មានឆ្នាំចុងក្រោយនេះ ។ យោងតាមប្រវត្តិរបស់វា ភ្នំភ្លើង Vesuvius គឺជាភ្នំភ្លើងដែលគ្រោះថ្នាក់ជាងគេបំផុតក្នុងពិភពលោក គឺនៅក្នុងឆ្នាំ៧៩នៃគ.ស ការផ្ទុះដ៏ខ្លាំងនៃភ្នំភ្លើងនេះបានលេបត្របាក់ទីក្រុងជាច្រើនរបស់ចក្រភពរ៉ូម៉ាំងដូចជាទីក្រុង Pompeii, Herculaneum និងStabiae ។
ភ្នំភ្លើង Mauna Loa កោះហាវ៉ៃ៖ជាភ្នំភ្លើងដែលស្ថិតនៅលើកោះហាវ៉ៃ យោងតាមប្រវត្តិរបស់វាការផ្ទុះភ្នំភ្លើងនេះបញ្ចេញកំអែបង្កើតបានជាកោះហាវ៉ៃនេះតែម្តង ។ វដ្តនៃការផ្ទុះភ្នំភ្លើងនេះគឺមានជាមធ្យម៦ឆ្នាំម្តង ប៉ុន្តែការផ្ទុះចុងក្រោយបំផុតកើតឡើងនៅក្នុងឆ្នាំ១៩៨៤ ៕
ព័ត៌មានជាតិ
មតិយោបល់