បន្ទាប់ពីប្រមូលទិន្នន័យព័ត៌មានបញ្ចូលគ្នា ​​ជាមួយនឹង​តួប្រណាំងឡាន លោក Paul Walker ដែលបានស្លាប់ទៅហើយនោះ ថ្មីៗនេះ​ទំហំទឹកប្រាក់​​របស់តារា​សម្តែងរូបនេះ ​ត្រូវបានប្រកាស​ជាផ្លូវការ ​នោះគឺ ចំនួន ២៥ លានដុល្លារ ជាចំនួនដែល​ទុក​ឲ្យកូនស្រីស្រីតែម្នាក់គត់​។​
ព័ត៌មាន​សាកល្បងរបស់ Paul Walker ត្រូវបានគេបញ្ចូនទៅកាន់តុលាការ Santa Barbara កាលបីថ្ងៃទី ២៨ ខែ មករា កន្លងទៅ ។
តាមរបាយការណ៍ពិសេសរបស់ E! បាន​ឲ្យដឹងថា ទ្រព្យសម្បត្តិទាំងមូល ​របស់ Paul ដែលតម្លៃ ឬចំនួន ២៥ លានដុល្លារនោះ គឺជា​មរតក​ដែល​ត្រូ​វទុក​ឲ្យកូនស្រីខ្លួនតែម្នាក់គត់របស់គាត់​។​

បច្ចុប្បន្ននេះ ដោយនាង Meadow ទើបតែមានអាយុ ១៥ ឆ្នាំ ដូចច្នេះទ្រព្យសម្បត្តិរបស់ Paul Walker ដែលបន្សល់ទុក​ឲ្យក្រោយពីការស្លាប់នោះ នឹង​ត្រូវ​រក្សាទុក និងគ្រប់គ្រងដោយម្តាយរបស់ Paul ។​ម្យ៉ាងវិញទៀត ​បើសិនជាងនាង មានអាយុ ១៨ ឆ្នាំ នោះ​ទ្រព្យទាំងនោះ នឹង​ក្លាយ​ជារបស់នាង ។
ខាងតុលាការខាងលើ បាននិយាយថា ​តារាសម្តែង​ហូលីវ៉ូត​ដែលបានចែកឋានទៅ ​​ដោយសារគ្រោះថ្នាក់ចរាចរណ៍​មិនដឹងមុខ ​បាន​ធ្វើ​បញ្ចីមរតកតាំងពីឆ្នាំ ២០០១ នៅពេលដែលគាត់​​បានក្លាយជាផ្នែកមួយ នៃតារាហូលីវ៉ូត ។​នាង Meadow Walker គឺជា​កូនស្រីតែម្នាក់គត់ ​របស់ Paul ដែលមានជាមួយនឹង​អតីតមិត្តស្រី Rebecca Soteros ដោយគូស្នេហ៍នេះ​បានស្វាគមន៍នាង ក្នុងឆ្នាំ ១៩៩៨ ហើយកូនស្រីនេះ​បានទៅរស់នៅជាមួយនឹងម្តាយរបស់គាត់នៅហាវ៉ៃ ។​ក៏ប៉ុន្តែ ចាប់តាំងពីថ្ងៃទី ៧ ខែ ឧសភា ឆ្នាំ ២០១២ លោក Paul Walker បានសម្រេចចិត្ត ​គ្រប់គ្រងយ៉ាងពេញលេញ​​ទៅលើកូនស្រីរបស់ខ្លួន។

មុននឹង​ឯកសារនេះផ្សាយចេញ ជាផ្លូវការ ក៏មានបញ្ហាជម្លោះរឿងទ្រព្យសម្បត្តិនេះដែរ ដោយមិត្តស្រីថ្មីរបស់ Paul Walker នាង Jasmine Pilchard Gosnell នាង​បានរៀបការ​ជាមួយនឹង តារារូបនេះ ៧ ឆ្នាំ ទ្រព្យសម្បត្តិនេះគួរ​ជារបស់នាង​​បន្ទាប់ពីគាត់ស្លាប់ នេះ​បើតាមសម្តីនាង​បាននិយាយ​៕​