ក្នុងការបរិភោគអាហារ លោកអ្នកប្រហែលជាមិនបាន ចាប់អារម្មណ៍ថាអាហារណាខ្លះ ដែលញ៉ាំទៅធ្វើឲ្យយើងមានសុខភាពល្អ ឬក៏អាចបង្កឲ្យមានការប៉ះពាល់ដល់សុខភាពនោះទេ ម្យ៉ាងទៀតវាអាចបង្កជាជម្ងឺផ្សេងៗដោយមិនដឹងខ្លួន។ ខាងក្រោមនេះជាអាហារមួយចំនួនដែលជួយលោកអ្នកក្នុងការការពារជម្ងឺហារីក។
ខ្ញី
ខ្ញីត្រូវបានគេយកមកប្រើ ជាថ្នាំពេទ្យ ដើម្បីព្យាបាលជម្ងឺផ្តាសាយ នឹងទល់លាមក។ ខ្ញីស្រស់អាចត្រូវបានប្រើនៅក្នុង (គ្រឿងទេស) ។ បើទោះបីជារសជាតិរបស់ខ្ញីស្រស់ ខុសគ្នាពីខ្ញីក្រៀមក៏ដោយ ប៉ុន្តែអាចត្រូវបានជំនួសនៅក្នុងរូបមន្តជាច្រើនទៀត។ ជាទូទៅអ្នកអាចប្រើ ១/៨ ស្លាបព្រាកាហ្វេនៃខ្ញីក្រៀម ឬ ១ ស្លាបព្រាបាយនៃខ្ញីស្រស់។
ការប្រើប្រាស់ផលិតផលខ្ញីស្រស់ និងខ្ញីក្រៀម បន្ថែមពីលើការទទួលទានថ្នាំ ប្រឆាំងនឹងការក្អួតចង្អោររបស់ក្រពះ ក្នុងអំឡុងពេលនៃការព្យាបាលជម្ងឺមហារីក។
រមៀត
រមៀតគឺជាឱសថក្នុងគ្រួសារខ្ញីមួយដែរ វាជាធាតុផ្សំដែលធ្វើឱ្យមានការីពណ៌លឿង ហើយផ្ដល់សជាតិពិសេស។ ការលាយបញ្ចូលគ្នារបស់រមៀតបានបង្ហាញលក្ខណៈសម្បត្តិអុកស៊ីដកម្មប្រឆាំងនឹងការរលាក ប្រឆាំងនឹងការរីករាលដាលរបស់ជម្ងឺមហារីក។
រមៀតត្រូវបានដកស្រង់យកមកសិក្សា ព្រោះវាមានតួនាទីសំខាន់ក្នុងការការពារ និងការព្យាបាលជម្ងឺមហារីកមួយចំនួន រួមទាំងពោះវៀនធំ ក្រពេញប្រូស្តាត សុដន់ និងមហារីកស្បែក។
ខ្ទឹមស
ខ្ទឹមសមានជាលិកាស្ពាន់ធ័រខ្ពស់ និងជាប្រភពដ៏ល្អនៃ សារជាតិពណ៌លឿងទុំផងដែរ សារធាតុទាំងអស់នេះមានប្រយោជន៍ចំពោះសុខភាព។ ការសិក្សាជាច្រើនបានបង្ហាញថាការទទួលទានខ្ទឹមសច្រើនជួយកាត់បន្ថយហានិភ័យនៃជម្ងឺមហារីក នៃក្រពះ ពោះវៀន បំពង់អាហារ លំពែង និងសុដន់។ ខ្ទឹមសក៏អាចការពារប្រឆាំង នឹងជម្ងឺមហារីកតាមរយៈយន្តការជាច្រើនក្នុងនោះកាត់បន្ថយការឆ្លងមេរោគបាក់តេរី និងការបង្កើតនៃសារធាតុបង្កជម្ងឺមហារីកនេះ ការលើកកម្ពស់ការជួសជុល DNA និងជំរុញឲ្យមានការស្លាប់នៃកោសិកា។ ខ្ទឹមសគាំទ្រការបន្សាបជាតិពុល នៅក្នុងរាងកាយ និងអាចគាំទ្រដល់ប្រព័ន្ធភាពស៊ាំ និងជួយកាត់បន្ថយសម្ពាធឈាម។
ម្ទេស
ម្ទេសមានផ្ទុកសារធាតុដែលអាចបំបាត់ការឈឺចាប់បាន។ពេលដែលសារធាតុត្រូវបានអនុវត្តទៅលើស្បែក វាបណ្តាលឱ្យលេចឡើងសារធាតុគីមីម្យ៉ាង ដែលគេហៅថាសារធាតុផូស្វ័រ ដែលអាចកាត់បន្ថយការឈឺចាប់នៅកន្លែងនោះ។
ប៉ុន្តែវាមិនមានន័យថាអ្នកគួរតែយកម្ទេសមកត្រដុស ដែលកន្លែងដែលអ្នកមាន ការឈឺចាប់នោះទេ។ ម្ទេសត្រូវបានយក មកប្រើដោយប្រុងប្រយ័ត្នបំផុត ដោយសារតែពួកវាអាចបណ្តាលឱ្យរលាក ប្រសិនបើពួកវាជ្រាបចូលទៅក្នុងស្បែក។
ដូច្នេះប្រសិនបើ អ្នកមានការឈឺចាប់ និងចង់ប្រើប្រាស់អំណាចនៃម្ទេស សូមសាកសួរ គ្រូពេទ្យ។ ម្យ៉ងទៀតម្ទេសមានសមត្ថភាពក្នុងការព្យាបាល ការឈឺសសៃប្រសាទ បន្ទាប់ពីការវះកាត់ជម្ងឺមហារីក។ ផលប្រយោជន៍មួយទៀតនៃម្ទេស គឺពួកវាអាចជួយរំលាយអាហារបានយ៉ាងល្អ។
ជីអង្កាម
ជីអង្កាម គឺជារុក្ខជាតិម្យ៉ាងត្រូវបានគេយកមកប្រើរយះពេលជាច្រើនពាន់ឆ្នាំមកហើយ សម្រាប់ជាជំនួយក្នុងការរំលាយអាហារ ដើម្បីបន្ថយឧស្ម័នរំលាយការឈឺចាប់ និងជម្ងឺរាគរូស។ វាក៏អាចជួយព្យាបាលរោគសញ្ញានៃជម្ងឺពោះវៀន ឆាប់ខឹង និងការពុលអាហារ។ ជីអង្កាមធ្វើឲ្យសាច់ដុំនៃក្រពះមានលំនឹង និងលំហូរនៃទឹកប្រមាត់កាន់តែប្រសើរដែលជួយជំរុញឲ្យអាហារឆ្លងកាត់ក្រពះយ៉ាងឆាប់រហ័ស។
ប្រសិនបើការព្យាបាលជម្ងឺមហារីរបស់អ្នកធ្វើឲ្យរងទុកដល់ការឈឺក្រពះ។ សូមព្យាយាមផឹកតែជីអង្កាម។ សូមយកស្លឹកជីអង្កាមស្ងួតឆុងជាមួយទឹកក្តៅ ឬបន្ថែមស្លឹកស្រស់ទៅក្នុងទឹកឆ្អិនទុករយះ ពេល ២-៣ នាទីសឹមញ៉ាំ។
ជីអង្កាមក៏អាចបន្ធូរការឈឺបំពង់ក ចំពោះហេតុផលនេះវាត្រូវបានប្រើ ដើម្បីបំបាត់ការឈឺចាប់ដំបៅមាត់ ដែលអាចកើតឡើងពីការព្យាបាល ដោយប្រើសារធាតុគីមី និងវិទ្យុសកម្ម ឬជាគ្រឿងផ្សំដ៏សំខាន់ នៅក្នុងការព្យាបាលសម្រាប់លក្ខខណ្ឌនេះ៕
មតិយោបល់