ស្របពេលដែលបញ្ហានយោបាយកំពុងតែ មានភាពក្តៅគគុក ដែលស្ទើររកច្រកចេញមិនទាន់រួចនោះ តែងតែមានជនឆ្លៀតឱកាស យករូបសិល្បៈករ សិល្បៈការី ធ្វើជាប្រយោជន៍បុគ្គល ដើម្បីអូសទាញការចាប់អារម្មណ៍ទៅលើទំព័ររបស់ខ្លួន ។
យ៉ាងណាមិញនៅលើទំព័រ ហ្វេសប៊ុក មួយ ដែលដាក់ឈ្មោះថា I Love Cambodia Hot News II ដែលគេដឹងច្បាស់ថាឈ្មោះនេះ ជាទំព័រ បក្សប្រឆាំង កន្លងមកនោះ បានយករូបភាព របស់ តារាកំប្លែងមាត់ម៉ាស៊ីនដេ នាងខ្ញុំង ធ្វើជារូបតំណាងរបស់ទំព័រខ្លួន ។
ទន្ទឹមជាមួយនឹងគ្នានេះដែរ បានធ្វើឲ្យ នាង ខ្ញុង ក្តៅចុងច្រមុះ ទៅលើទំព័រនោះ ដែលយករូបនាង ទៅទាក់ទិននឹងរឿងនយោបាយ ដោយនាងសរសេរ លើទំព័រ គណនីហ្វេសប៊ុករបស់នាងថា ” សូមមេត្តាកុំយករូបនាងខ្ញុំ ទៅលេងទាក់ទងរឿងនយោបាយ …. នាងខ្ញុំសូមប្រាប់ជាមុនណា ” ។
ជាមួយនឹងគ្នានោះដែរ មានអ្នកគាំទ្រតារាកំប្លែង រូបនេះ ជាច្រើនបានធ្វើការបញ្ចេញមតិថា “ពួកអត់ការងារធ្វើ” និង អ្នកខ្លះទៀត “ពួកគេចង់តោងប្រជាប្រិយភាពពីបងឯង ” ។
សូមបញ្ជាក់ផងដែរថា នេះមិនមែនជាលើកទី ១ នោះទេ ដែលជនត្រីងៀតឆ្លៀតពង បានយករូបភាពសិល្បៈករ និងបង្កើតឈ្មោះ ឲ្យដូចគ្នា ដោយបង្ហោះរូបភាពផ្សេងៗ ទាក់ទងនឹង រឿង នយោបាយ ក្នុងនោះរួមទាំងតារាចម្រៀង ប្រចាំផលិតកម្ម សាន់ដេ លោក ឆាយ វិរៈយុទ្ធ ផងដែរ និង តារាជាច្រើនដួងទៀត ៕
មតិយោបល់