តាមប្រភពព័ត៌មានបរទេសនានាបានឲ្យដឹង ស្ត្រីម្នាក់ដែលរស់នៅក្នុងរដ្ឋ Jharkhand ប្រទេសឥណ្ឌា បានប្រើប្រាស់របារដែកមួយ វាយទៅលើបុរសម្នាក់រហូតដល់ស្លាប់ បន្ទាប់ពីគាត់បានរំលោភកូនស្រីអាយុ ៥ ឆ្នាំរបស់ខ្លួន។
ឧបទ្ទេវហេតុនេះបានកើតឡើងនៅពេលដែលម្តាយរូបនោះបានទៅធ្វើការ និងទុកឲ្យកូនស្រីតូចរបស់ខ្លួននៅក្នុងផ្ទះតែម្នាក់ឯង។ ខណៈដែលបុរសម្នាក់មានឈ្មោះថា Arjun Tamba វ័យ ២៧ ឆ្នាំឃើញផ្ទះនោះមានតែក្មេងតូចតែម្នាក់ឯងក៏ចាប់រំលោភតែម្តង។ នៅពេលដែលម្តាយត្រឡប់មកដល់ផ្ទះវិញក្មេងស្រីតូចនោះបានប្រាប់អំពីហេតុការដែលត្រូវគេរំលោភឲ្យម្តាយរបស់ខ្លួនបានដឹង។ ក្រោយពីបានឮសំដីដែលកូនរបស់ខ្លួនបាននិយាយប្រាប់ អ្នករូបនោះបានខឹងយ៉ាងខ្លាំង ហើយក៏ស្រវាបានរបារដែកមួយដើរសំដៅទៅកាន់ផ្ទះរបស់ Tamba ដោយគ្មានសួរហេតុផលច្រើនគឺវាយគាត់រហូតដល់ស្លាប់តែម្តង។
ពេលដែលប៉ូលិសមកដល់នាងបានព្យាយាមរត់គេចខ្លួន មិនព្រមប្រគល់ខ្លួនឲ្យប៉ូលិសតាមសម្រួលនោះទេ ប៉ុន្តែទោះជាយ៉ាងណាប៉ូលិសនៅតែចាប់ខ្លួននាងបានដដែល។ សូមបញ្ជាក់ផងដែលថាកាលពីឆ្នាំមុន មានករណីរំលោភសេពសន្ថវៈជាង ៧៥០ ករណីកើតឡើងនៅក្នុងប្រទេសនេះ៕
រូបតំណាង
មតិយោបល់