អេស្ប៉ាញ៖កីឡាករ Paul Pogba ​គឺជា​កីឡាករ​​តែម្នាក់គត់វ័យក្មេង និងលេងបានល្អ នៅក្នុងក្របខណ្ឌ Serie A របស់អ៊ីតាលី ។ ដូច្នេះកីឡាកររូបនេះកំពុងទទួលបានការ​ចាប់អារម្មណ៍ពិសេស មួយ ។​

លោក Florentino Perez ដែលជាមេធំរបស់ក្លិប Real Madrid បាន​នឹង​កំពុង​ធ្វើការ​ពិភាក្សា​ចរចារលើតម្លៃ និងទិញកីឡាករវ័យក្មេងចុងក្រោយមកកាន់ក្លិបរបស់ខ្លួន​ ។ វា​ជាការពិតណាស់ សម្រាប់ទីផ្សារផ្ទេរ និងទិញកីឡាករ បានបញ្ចាប់ វា​នឹង​ធ្វើឲ្យក្លិប មួយនេះពិបាកនឹង ​ធ្វើការទិញដូរ ​នៅជំហានបន្ទាប់ ។​
នៅពេលនេះដែរក្លិប យក្សស Real Madrid បាននឹងកំពុង​ល្បួង កីឡាករ ដែលលេងបានល្អ និងចាប់អារម្មណ៍បំផុតនៅក្របខណ្ឌ Serie A របស់អ៊ីតាលី ។បើតាមរបាយការណ៍របស់ ជំនួយការគ្រូបង្វឹកដែលជា​អតីតកីឡាករបារាំងដ៏ឆ្នើម​លោក Zinedine Zidane បានបញ្ជាក់ថា កីឡាករ Paul Pogba គឺជាកីឡាករ​ដែល​​ក្លិប Real Madrid កំពុងចាប់អារម្មណ៍បំផុ​ត​។​

ថ្លែង​ទៅកាន់ អ្នកសារព័ត៌មាន អតីត​កីឡាករ បារាំង​រូបនេះ បាននិយាយថា “គ្រូបង្វឹក Carlo Ancelotti និងមេធំ​ Florentino Perez បានយល់ព្រម លើការដេញថ្លៃទិញកីឡាកររូបនេះ​” ។​

Zinedine Zidane បានបន្តថា ម្ចាស់ពានអ្នកលេង​​ដ៏ល្អបំផុត​នៅទ្វីបអឺរ៉ុប អាយុក្រោម ២១ ឆ្នាំ អាចនឹងបំពេញ​ចន្លោះប្រហោង ដោយអាចជំនួសកីឡាករ Xabi Alonso ដែល​នឹង​ចាកចេញពីក្លិប ​បន្ទាប់ពីបញ្ចប់រដូវកាលនេះ​។​

ក្រៅពីក្លិប Real Madrid នៅមានក្លិប អ្នកមាន PSG កំពុងក្រាញននៀល ​​​ដេញថ្លៃ ជាមួយនឹង Real លើកីឡាករដែលកើតនៅឆ្នាំ ១៩៩៣ រូបនេះ ។​បើទោះបីជា PSG ចាប់អារម្មណ៍ តែ ក្លិបបារាំងមួយនេះ​ឲ្យតម្លៃត្រឹមតែ ៣៤ លាន​អឺរ៉ូ ​ដែលជា​ចំនួន តិចជាង Real ឲ្យនោះគឺ ៥០ លានអឺរ៉ូ ។ ជាមួយនឹង ទំហំទឹកប្រាក់ដ៏ច្រនសន្ធឹកនេះដែរ ​អាចនឹង Paul Pogba មក​កាន់ក្លិប Real Madrid ជាក់ជាមិនខាននៅរដូវកាលក្តៅនេះ​៕​