មានរឿងតូចតាចបីយ៉ាង ដែលលោកអ្នកទម្លាប់ធ្វើរៀងរាល់ថ្ងៃ ប៉ុន្តែអ្នកមិនដឹងខ្លួនថានោះជាទម្លាប់អាក្រក់ដែលធ្វើឲ្យប៉ះពាល់ដល់សុខភាពឡើយ។ ការធ្វើបែបនេះអាចធ្វើឲ្យមានផលប៉ះពាល់តិចតួចក៏ពិតមែន ប៉ុន្តែអ្នកអាចបាត់បង់នូវអត្ថប្រយោជន៍ជាច្រើនពីអាហារទាំងអស់នោះថែមទៀត។
ឆាប់ផឹកកាហ្វេពេក
នៅពេលដែលលោកអ្នកក្រោកពីគេង គឺជាពេលវេលាដែលបង្កើនថាមពលដោយធម្មជាតិ ដូច្នេះការផឹកកាហ្វេបន្ថែមទៀតអាចធ្វើឲ្យខ្លួនរបស់អ្នកញ័រ។ លោកវេជ្ជបណ្ឌិត Steven Miller នៅសាកវិទ្យាល័យវិទ្យាសាស្ត្រសុខាភិបាលនៃរដ្ឋ Maryland សហរដ្ឋអាមេរិកបាននិយាយថា អ្នកនឹងទទួលបានអត្ថប្រយោជន៍ជាច្រើន ប្រសិនបើអ្នកផឹកវា ក្រោយពេលភ្ញាក់ពីគេងបានមួយម៉ោង។ វាជាពេលដែលកម្រិតថាមពលរបស់អ្នកបានចាប់ផ្តើមធ្លាក់ចុះយ៉ាងខ្លាំង ដូច្នេះកាហ្វេអាចរក្សាទុកនូវថាមពល ហើយបង្កើនមកវិញនៅពេលរសៀល។
អាហារពេលព្រឹកតិចតួចពេក
ការបរិភោគផ្លែបឺរី លាយជាមួយនឹងទឹកដោះគោនៅពេលព្រឹក ជាប្រភពដែលល្អបំផុតសម្រាប់សុខភាព។ អ្នកជំនាញបាននិយាយថា ការញ៉ាំអាហារពេលព្រឹកពេញលេញ គួរតែបញ្ចូលទាំងជាតិប្រូតែអ៊ីន ១៥ ក្រាម, ជាតិសសៃ ២,៥ ក្រាម, ម្សៅដែលផ្សំចេញពីដំឡូង និងជាតិខ្លាញ់តិចតួចដែលធ្វើឲ្យមានសុខភាពល្អ។ អាហារដែលមានជាតិកាឡូរីតិចជាង ៤៥០ កាឡូរី គឺត្រូវបានគេចាក់ទុកថាជាអាហារដែលល្អបំផុតសម្រាប់រាងកាយ។
ការភ្ញាក់ឡើងភ្លាម ឆែកមើលអ៊ីម៉ែលភ្លាម
នេះគឺជាទម្លាប់អាក្រក់ នៅពេលដែលលោកអ្នកបើកភ្នែកមកភ្លាមមើលអ៊ីម៉ែលភ្លាមដូចជាដាក់សម្ពាធន៍ទៅលើអារម្មណ៍របស់អ្នកឲ្យមានភាពតានតឹងភ្លាមៗផងដែរ។ រឿងដែលល្អបំផុតនោះអ្នកគួរតែធ្វើលំហាត់ប្រាណ, ផឹកតែមួយពែង ឬក៏ជជែកជាមួយអ្នកផ្សេង គឺជាការងារដំបូងដែលលោកអ្នកត្រូវធ្វើដំបូងគេ។ ការធ្វើបែបនេះអាចជួយបង្កើនផលិតភាព និងការបង្កើតនូវគំនិតវៃឆ្លាតរបស់អ្នកល្អប្រសើរជាង ការឆែកមើលអ៊ីម៉ែល ពេលព្រឹកព្រលឹម៕
មតិយោបល់