រយៈពេលប៉ុន្មានថ្ងៃមកនេះ ​​នៅមិនទាន់លេចសញ្ញា​ណាមួយដែលបញ្ជាក់ថា យន្តហោះ Boeing 777-200 ​របស់អាកាសចរស៊ីវិល ​ប្រទេសម៉ាឡេស៊ី អាចនឹង​ឃើញដាន ឬបំណែក​នោះឡើយ ។ បើទោះបីជា​​ឃើញបំណែកខ្លះៗ មែនពិត តែ​ខាងក្រុម​អាកាសចរណ៍មួយនេះ ​បាន​ឆ្លើយតបភ្លាមៗថា ​បំណែកនោះ មិនមែនជាប្រភេទយន្តហោះ Boeing 777-200 ដែលផ្ទុកអ្នកដំណើរ ជាង ២៣៩ នាក់ នោះទេ ។

ទន្ទឹមជាមួយនឹងគ្នានេះដែរ ​ស្រាប់តែក្រុម​អ្នកវិភាគ ​គិត​ដោយលក្ខណៈប្លែកៗ ដោយមិនគួរ​ឲ្យជឿសោះឡើយ នោះគឺការបង្កើតវីដេអូឃ្លិបមួយ ​ដោយអះអាងថា យន្តហោះដែលបាន​បាត់​ដាន ដោយគ្មានដំណឹងនេះ ​វា​ហោះឆ្លងទៅកាន់អតីតកាល ក្នុងអំឡុងឆ្នាំ ១៩៥៥ ទៅវិញ ។ វា​ពិបាកនឹងជឿដែរ ថា​អភូតហេតុនេះ​ អាចកើតមាននោះ តែ​ទោះជាយ៉ាងណា​ក៏មាន​​ផ្នត់គំនិតគិតតិចៗដែរ ថា​វា​អាចនឹងកើតមានឡើង​។ ដោយសារតែ​ ក្រុមអ្នកស្រាវជ្រាវជាង ១០ ប្រទេសដែលបានដុតដៃដុតជើង រកយន្តហោះ Boeing 777-200 នោះមិនឃើញ ​ទើប​ក្រុម​អ្នកវិភាគ បាន​​បង្កើតគំនិតថ្មីមួយឡើង ។​

សូមបញ្ចាក់ផងដែរថា ​​យន្តហោះ Boeing 777-200 ​ដែលបានបាត់ដាននោះ គេនៅមិនទាន់សន្និដ្ឋានបានថា ជាការ​ធ្លាក់ ​ឬ ការ​ចាប់ជំរិតនោះទេ ។ ​ខណៈដែលព័ត៌មានពីព្រឹកមិញនេះបាន​បញ្ជាក់ថា ​ ទូរស័ព្ទ​ក្រុមគ្រួសារទាំង ១៩ ដែលជិះនៅលើយន្តហោះនោះ ​ខលចូល​តែគ្មានអ្នកណា​លើកនោះទេ ៕​
ទស្សនាវីដេអូឃ្លិបដូចខាង​ក្រោមនេះ ៖