ក្លិប​បាល់ទាត់ Atletico Madrid បានលូតទៅមុខ ដូចអំនួតដែលគេបានគ្រោង​ទុកហើយ ដោយបូកសរុបការប្រកួតទាំងពីរជើង ឈ្នះគ្រាប់បាល់ ៥-១ លើក្លិប AC Milan ដែលប្រកួត​នារាត្រីទៀបភ្លឺ​​យប់មិញនេះ​ក្នុងក្របខណ្ឌ Champions League ។​

ក្នុងជំនួបជើងទី ២ នេះក្លិប អេស្ប៉ាញ Atletico Madrid បាន​បំបាក់ក្លិប AC Milan ក្នុងក្របខណ្ឌ Serie A របស់អ៊ីតាលី ​ដោយលទ្ធផល ៤-១ ​ខណៈដែលជើងទី ១ កន្លងមក ​​Atletico Madrid ឈ្នះក្នុងលទ្ធផល ១-០ នោះ។
កីឡាករ Diego Costa ដែល​​បាន​​ជួយឲ្យក្លិប បំបាក់ក្លិប AC Milan នៅជើងទី ១ នោះ ​នៅជើងទី ២ ក៏បានស្វែងរកគ្រាប់បាល់នៅនាទី ទី ៣ និងនាទី ៨៥ ហើយមិត្តរួមក្រុម Turan និង Garcia រកគ្រាប់បាល់នៅនាទី ៤០ និង ៧១ នោះ ។ ដោយឡែកគ្រាប់បាល់ដែល AC Milan មាន​ឱកាស​បំបែកពងមាន់ក្លិប Atletico Madrid ទាំងពីរជើងនេះ រកបានដោយកីឡាករ Kaka ។​

លទ្ធផល ២ ជើងរបស់ AC Milan ​ដោយបូករួមទៅចាញ់ ​​Atletico Madrid ១-៥ ហេតុដូច្នេះ​មិនអាចបន្ត​ដំណើ​រទៅកាន់វគ្គ ៨ ក្រុមចុងក្រោយបានឡើយ​។
សូមបញ្ជាក់ថា នេះគឺជាការសាងប្រវត្តិសាស្ត្រថ្មីរបស់ ​​Atletico Madrid ​ដែលឡើងទៅកាន់វគ្គ ៨ ក្រុមចុងក្រោយ ដោយអាកខានតាំងពីឆ្នាំ ១៩៩៧ មកម្លេះនោះ ៕​
ទស្សនាវីដេអូឃ្លិបដូចខាង​ក្រោមនេះ៖