ការផ្លាស់ប្តូររបៀបរបបរស់នៅអាចជួយធ្វើឲ្យអ្នកដែលមានជម្ងឺទឹកនោមផ្អែមមានសុខភាពល្អ តារយៈការធ្វើលំហាត់ប្រាណ គួរផ្សំជាមួយនឹងការទទួលទាន់របបអាហារដែលមានគុណប្រយោជន៍សម្រាប់សុខភាព។
ហាត់ប្រាណប្រចាំថ្ងៃជាការជំនួយចំពោះអ្នកមានជម្ងឺទឹកនោមផ្អែម
នៅពេលដែលមនុស្សគិតទៅដល់ការធ្វើលំហាត់ប្រាណគឺពួគគេតែងតែស្រមៃភ្លាមទៅកាន់រូបភាពដែលមានសាច់ដុំធំៗដែលគួរឲ្យខ្លាច និងភាពបែកញើសនៅពេលដែលរត់ក្នុងពេលហាត់ប្រាណ។ សំណាងល្អដែរការធ្វើលំហាត់ប្រាណដើម្បីឲ្យមានសុខភាពល្អចំពោះអ្នកដែលមានជម្ងឺទឹកនោមផ្អែមគឺវាមានការខុសប្លែកច្រើនជាងអ្វីដែលយើងគិតការពីមុន និងទទួលបានលទ្ធផលគួរឲ្យភ្ញាក់ផ្អើល ។
កាលដែលមានជីវិតរស់នៅជាមួយ និងជម្ងឺទឹកនោមផ្អែមមានន័យថាការធ្វើលំហាត់ប្រាណមានភាពយឹតយ៉ាវក្នុងការបញ្ចូលទៅក្នុងជីវិតមនុស្សម្នាក់នោះហើយ។ មនុស្សដែលមានជម្ងឺទឹកនោមផ្អែមគួរតែខិតខំធ្វើលំហាត់ប្រាណឲ្យបានយ៉ាងតិច ៣ ដងក្នុង ១ សប្តាហ៏ ហើយត្រូវចំណាយរយៈពេលពី ៣០ នាទី ទៅ ៤០ នាទី។ ដូចគ្នានេះផងដែរការធ្វើលំហាត់ប្រាណនេះមិនត្រូវបង្ខំពេកនោះទេ។ ការដើរគឺមានភាពគ្រប់គ្រាន់ក្នុងការបង្កើនអត្រាបេះដូងឲ្យមានភាពប្រសើរឡើង និងសុខភាពសសៃរបេះដូងរឹងមាំល្អ និងគាំទ្រចំពោះការសម្រកទម្ងន់ផងដែរ។
ប្រសិនបើមនុស្សម្នាក់ចង់ឲ្យមានការស្តែងចេញមកខាងក្រៅពួកគេអាចសាកល្បងក្នុងរយៈពេល ៣០ ទៅ ៤០ នាទីដោយចាប់ផ្តើមដោយការដើរម្តងក្នុងរយៈពេល ២០ នាទីនិងព្យាយាមធ្វើឲ្យបានទៀងទាត់។ មួយទៀតផងដែរការ ផ្លាស់ប្តូររបបអាហាររបស់មនុស្សម្នាក់ក៏អាចជួយឱ្យប្រសើរឡើងនូវស្ថានភាពកាយសម្បទារបស់ជម្ងឺទឹកនោមផ្អែម និងការធ្វើឱ្យកាន់តែងាយស្រួលអនុវត្ត។
ដំណមអាហារចំពោះអ្នកដែលមានជំងឺទឹកនោមផ្អែម
របបអាហារគឺជាកត្តាដ៏ធំមួយសម្រាប់អ្នកជម្ងឺទឹកនោមផ្អែម ដើម្បីឲ្យមានសុខភាពល្អ។ ចំពោះអ្នកដែលមានជម្ងឺទឹកនោមផ្អែមគួរតែមានបំណងដើម្បីលុបបំបាត់អាហារស្រាប់ៗដូចជា បង្អែម, អាហារចៀន និងអាហារខ្លាញ់ផ្សេងទៀតពីរបបអាហារដែលធ្លាប់ញ្ញាំជាប្រចាំ។ ជំនួសឱ្យការញ្ញាំអាហារដែលគ្មានប្រយោជន៏ចំពោះសុខភាពទាំងនេះ, អ្នកជម្ងឺទឹកនោមផ្អែមគួរតែជ្រើសរើស របបអាហារដូចជាបន្លែផ្លែឈើប្រូតេអ៊ីន ដែលគ្មានសារជាតិខ្លាញ់ និងធញ្ញជាតិពីព្រោះវាសម្បូរទៅដោយជាតិកាកសសៃរ។
វាជាការសំខាន់ផងដែរ សម្រាប់អ្នកជម្ងឺទឹកនោមផ្អែមក្នុងការបែងចែកអាហាររបស់ពួកគេ និងពេលវេលាបានត្រឹមត្រូវ។ ចំពោះអ្នកជម្ងឺទឹកនោមផ្អែមប្រហែលជាមិនមានភាពងាយស្រួលក្នុងការរស់នៅនោះទេ។ ប៉ុន្តែទោះជាយ៉ាងណាក៏ដោយការតមអាហារ និងការធ្វើលំហាត់ប្រាណវាជាផែនការដែលអាចឲ្យអ្នកជម្ងឺទឹកនោមផ្អែមមានសុខភាពល្អ និងគ្រប់គ្រងជម្ងឺរបស់ពួកគេបានយ៉ាងមានប្រសិទ្ធភាព៕
មតិយោបល់