កាលពីថ្ងៃទី ១០ ខែ មិនា ឆ្នាំ ២០១៤ កន្លងមកនេះ នៅព្រលានយន្តហោះ Birmingham ប្រទេស អង់គ្លេស មន្ត្រីគយបានរកឃើញ និងរឹបអូសយកល្ពៅមួយដ៏ធំរបស់អ្នកដំណើរមួយរូប។ ល្ពៅយក្សនេះមានប្រវែង ១,២ ម៉ែត្រ និងទម្ងន់ ២៥,៤ គីឡូក្រាមដែលស្មើនឹងទម្ងន់មនុស្សពេញវ័យមួយចំនួន។ វាត្រូវបានគេលាក់នៅក្នុងទំនិញដូចជាត្រីងៀត និង បារីដែលមានទម្ងន់សរុប ៧៩ គីឡូក្រាម។ អ្នកនាំពាក្យនៃទីក្រុង Solihull បានឲ្យដឹងថា ល្ពៅមានវិមាត្រខុសពីធម្មតាត្រូវបាននាំចូលខុសច្បាប់ពីតំបន់អាស៊ី និងបានរកឃើញដោយក្រុមអ្នកត្រួតពិនិត្យសុវត្ថិភាពអាហារ។
សូមបញ្ជាក់ផងដែលថានេះគឺជាលើកទីមួយហើយដែលមានការនាំចូលល្ពៅចម្លែកដ៏ធំបែបនេះត្រូវនាំចូលមកប្រទេសអង់គ្លេស ព្រោះជាញឹកញាប់គេឃើញតែមានការនាំចូលថ្នាំជក់ និងល្ពៅដែលមានទំហំធម្មតាតែប៉ុណ្ណោះ៕
មតិយោបល់