ភ្នំពេញ ៖ រនាំងដែកពុះចែកទ្រូងផ្លូវ៦ផ្ទាំងបានបាក់រងការខូចខាត ខណៈដែលនារីរូបស្រស់២នាក់បើករថយន្តម៉ាកម៉ាសដាមួយគ្រឿង ពណ៌ទឹកប៊ិចក្រម៉ៅ បានរេចង្កូតទៅបុករះហើយរថយន្តដាច់ក្រឡេកង់ទៅមុខលែងរួច កាលពីវេលាម៉ោង១និង៥០នាទីរំលងអាធ្រាត្រឈានចូលថ្ងៃ១៣ខែមិនាឆ្នាំ២០១៤ តាមបណ្ដោយផ្លូវព្រះមុនីវង្សកែងផ្លូវលេខ២១៧ ស្ថិតនៅសង្កាត់ផ្សារថ្មី៣ ខណ្ឌដូនពេញ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញរថយន្តមួយគ្រឿងម៉ាកម៉ាសដា ពណ៌ទឹកប៊ិចក្រម៉ៅ ពាក់ស្លាកលេខ បន្ទាយមានជ័យ 2A-4061 ជិះធ្វើដំណើរដោយនារីរូបស្រស់២នាក់ ទិសដៅពីត្បូងទៅជើង ខណៈជិតមកដល់ស្ដុបផ្លូវព្រះមុនីវង្សកែងនិងផ្លូវលេខ២១៧ ប្រមាណ២០ម៉ែត្រក៏បានរេចង្កូតរថយន្តទៅខាងឆ្វេងបុករាំរនាំងដែកពុះចែកទ្រូងផ្លូវបាក់និងវៀចចំនួន៦ផ្ទាំង ហើយរថយន្តដាច់ក្រឡេខាងមុខផ្នែកខាងឆ្វេងទៅមុខលែងរួច។
ក្រោយពេលកើតហេតុសមត្ថកិច្ចមូលដ្ឋាននិងកម្លាំងកងរាជអាវុធហត្ថខណ្ឌ៧មករាបានចុះមកអន្តរាគមន៍និងត្រួតពិនិត្យមើល រួចបានទំនាក់ទំនងទៅសមត្ថកិច្ចជំនាញចរាចរដើម្បីមកធ្វើការវាស់វែងស្ទូចយករថយន្តបង្កទៅរក្សាទុកនៅការិយាល័យចរាចរជើងគោករាជធានីដើម្បីរង់ចាំធ្វើការដោះស្រាយតាមនីតិវិធីច្បាប់៕
ទស្សនាវីដេអូឃ្លិបដូចខាងក្រោមនេះ ៖
)
)
)
)
មតិយោបល់