តាមប្រភពព័ត៌មានបរទេសនានាបានឲ្យដឹងថា លោក De Souza ជនជាតិប្រេស៊ីលមានវ័យ ៤៣ ឆ្នាំបានប្រែក្លាយសាច់ដុំរបស់គាត់ពីធម្មតាឲ្យក្លាយទៅជាធំដោយយក ប្រេង និងគ្រឿងស្រវឹងចាក់ចូលទៅក្នុងដៃរបស់ខ្លួន។ ថ្វីត្បិតតែគាត់បានក្លាយទៅជាបុរសសាច់ដុំដែលធំជាងគេនៅក្នុងប្រទេសប្រេស៊ី ប៉ុន្តែទង្វើរបស់គាត់អាចប្រឈមនឹងហានិភ័យដល់ជីវិត។ ពីមុនមកធ្លាប់មានមនុស្សមួយចំនួនយកប្រេង និងគ្រឿងស្រវឹងចាក់ចូលក្នុងសាច់ដុំដូចគាត់ដែរ ប៉ុន្តែត្រូវស្លាប់ដោយសារប្រតិកម្ម។ លោក De Souza ដែលមានឈ្មោះហៅក្រៅ “Mountain” បាននិយាយថា គាត់បានចាក់បញ្ចូលសារធាតុ steroids, អរ័រម៉ូន និងវីតាមីន ដែលប្រើសម្រាប់សេះ។ ការចាក់សារធាតុទាំងនេះចូលទៅក្នុងសាច់ដុំមិនមែនតែម្តងទេសម្រាប់រូបគាត់ គឺគាត់បានចាក់រហូតសាច់ដុំធំកើនឡើងខុសពីធម្មតា ដែលធ្វើឲ្យគាត់ក្លាយជាមនុស្សដ៏ល្បីម្នាក់៕
ព័ត៌មានជាតិ
មតិយោបល់