អេស្ប៉ាញ៖ ​គណៈកម្មាធិការ​សហគមន៍ ​អឺរ៉ុប បាន​ធ្វើការកត់សម្គាល់ទៅលើ ​ហិរញ្ញវត្ថុ ​ដែលមិនសមហេតុផល របស់ ក្រុមជាច្រើននៅ La Liga ក្នុងនោះមាន Real និង Bacelona ។​

គណៈកម្មាធិការ​សហគមន៍ ​អឺរ៉ុប ថ្មីៗនេះ បាន​ដាក់ដំណើរការ ចោទប្រកាន់​នូវហិរញ្ញវត្ថុ​មាន​ភាពមិនប្រក្រតី ទៅលើក្លិប ៧ ​ដែលលេងក្នុងក្របខណ្ឌ La Liga ក្នុងនោះមានក្លិប Real Madrid, Barcelona, ​​Athletic, Osasuna, Valencia, Elche និង Hercules ។​ ខាង​គណៈកម្មាធិការខាងលើ បានឲ្យក្លិបទាំង ៧ បញ្ជាក់ពីហិរញ្ញវត្ថុ​របស់ខ្លួន​ ដោយបិទកាលបរិច្ចេទ ​នៅថ្ងៃទី ៧ ខែ មេសា ខាងមុខ​។​ជាមួយនឹងបញ្ហានេះដែរ ខាងក្លិប ទាំង ៧ នឹងប្រឈមមុខ ដើម្បីដោះស្រាយបញ្ហាទាំងនោះ ដែល​​ជាជំនួយ​យ៉ាង​អាថ៌កំបាំងពី រដ្ឋាភិបាល​អេស្ប៉ាញ ៕​