រាជធានីភ្នំពេញ ៖ រថយន្តនីសាន់ធុន៥តោនដឹកបន្លែបានដាច់កង់ក្រឡាប់ទៅជំហៀង បណ្តាលឱ្យរថយន្តក្រឡាប់ចាក់បន្លែរចោលពេញផ្លូវ កាលពីវេលាម៉ោង៩និង១៥នាទីយប់ថ្ងៃទី១៧ខែមីនា ឆ្នាំ២០១៤ នៅត្រង់ចំណុចមុខបុរីពិភពថ្មីចំការដូង តាមបណ្ដោយផ្លូវ២១៧ ស្ថិតនៅក្នុងសង្កាត់ដង្កោ ខណ្ឌដង្កោ។
ប្រភពព័ត៌មានពីកន្លែងកើតហេតុបានឱ្យដឹងថា គេបានឃើញរថយន្តមួយគ្រឿងម៉ាក នីសាន់ ធុនចំណុះ៥តោន ពណ៌ខៀវ ពាក់ស្លាកលេខ ភ្នំពេញ 3B-3635 ដឹកបន្លែពេញធ្វើដំណើរតាមបណ្ដោយផ្លូវ២១៧ ទិសដៅពីលិចទៅកើត លុះមកដល់ត្រង់ចំណុចមុខបុរីពិភពថ្មីចំការដូង រថយន្តនេះក៏បានដាច់កង់ខាងក្រោយផ្នែកខាងស្ដាំបណ្ដាលអោយផ្អៀងក្រឡាប់ទៅជំហៀងចាក់បន្លែចោពេញផ្លូវ សំណាងដែលមិនបណ្ដាលអោយនរណារងរបួសឡើយ។បន្ទាប់ពីកើតហេតុសមត្ថកិច្ចមូលដ្ឋានបានចុះមកអន្តរាគមន៍ជួយសំរួលចរាចរ ហើយម្ចាស់រថយន្តបានហៅរថយន្តតួរីស៣-៤គ្រឿងមកដឹកបន្លែនោះចេញពីរថយន្ត ដើម្បីស្ទូចរថយន្តយកទៅជួសជុលឡើងវិញ។
ចំពោះករណីចរាចរខាងលើនេះសមត្ថកិច្ចមិនបានធ្វើការផាកពិន័យឬឃាត់រថយន្តទុកនោះទេ ដោយសាររថយន្តនេះបង្កហេតុដោយខ្លួនឯងនិងមិនបណ្ដាលអោយនរណារងរបួស ឬបំផ្លាញដល់សម្បត្តិរបស់រដ្ឋឡើយ៕
មតិយោបល់