តារាបាល់ទាត់វ័យ ៣៣ ឆ្នាំរបស់ប្រេស៊ីល បានធ្វើឲ្យមនុស្សជាច្រើនគិតពីលទ្ធភាពនៃការចូលនិវត្តន៍របស់គាត់ បន្ទាប់ពីចេញបទចម្រៀង រ៉េបតំបូងរបស់ខ្លួន ។
កីឡាករ Ronaldinho គឺជាកីឡាករលេងដ៏ខ្លាំងក្លា និងឆ្លាតបំផុត ក្នុងពិភពប្រវត្តិសាស្ត្របាល់ទាត់ ពិភពលោក ។ តារាបាល់ទាត់សញ្ជាតិប្រេស៊ីលរូបនេះ បានជួយឲ្យក្លិប បាល់ទាត់ Bacelona ឈ្នះពានរង្វាន់ មិនតិចនោះទេ ក្នុងនោះ ក្នុងក្របខណ្ឌ La Liga និង ក្របខណ្ឌ Champions League ។ នៅពេលកីឡាកររូបនេះពាក់អាវលេងឲ្យជាតិរបស់ខ្លួន ក៏ជាគន្លឺះដ៏សំខាន់ ជួយឲ្យសាមប៉ា ប្រេស៊ីលឈ្នះ ពានរង្វាន់បាល់ទាត់ ពិភពលោក នៅឆ្នាំ ២០០២ ផងដែរ។
នៅអាយុ ៣៣ ឆ្នាំ កីឡាករ Ronaldinho បានទទួលការចាប់អារម្មណ៍បំផុត នៅក្លិប Atletico Mineiro ។ តែទោះជាយ៉ាងណាអតីតកីឡាករលេងដ៏ល្អរូបនេះ បែរជាចំណាយពេលច្រើន ជាមួយនឹង ឧស្សាហកម្មកម្សាន្តទៅវិញ ដោយមិនផ្តោតសំខាន់ទៅលើការប្រកួតបាល់ទាត់ឡើយ។
នៅដើមខែនេះដែរ កីឡាករ Ronaldinho ទទួលបានការស្តីបន្ទោសយ៉ាងខ្លាំង ពីសំណាក់អ្នកចាត់ការទូទៅរបស់ក្លិបខាងលើ ដោយយឺតយ៉ាវក្នុងការហ្វឹកហាត់ ។
ថ្មីៗនេះដែរ កីឡាករវ័យ ៣៣ ឆ្នាំរូបនេះ បានបន្តឲ្យអ្នកគាំទ្រគិត ថា គាត់ចាប់អាជីពសិល្បៈ ក្រោយបញ្ចប់ អាជីពបាល់ទាត់ ដោយទើបតែបង្ហាញ វីដេអូ ចម្រៀងរ៉េបតំបូងរបស់ខ្លួន នៅលើ YouTube ជាមួយនឹងបទ Joga o copo pro alto ៕
ទស្សនាបទចម្រៀង រ៉េប របស់ Ronaldinho ដូចខាងក្រោមនេះ៖
មតិយោបល់