ប្រេស៊ីល៖អតីតខ្សែបម្រើរបស់ ប្រេស៊ីល និងក្រុម Bacelona កីឡាករ Rivaldo បាននិយាយលាគ្នា បន្ទាប់ពីលេងលើវាលស្មៅ ក្នុងពិភពកីឡាបាល់ទាត់អស់រយៈពេល ២៤ ឆ្នាំ ។
កាលពីថ្ងៃទី ១៥ ខែ មិនា កន្លងទៅនេះ កីឡាករ បាននិយាយអំពីជម្រៅដួងចិត្តរបស់ខ្លួន ថា “ខ្ញុំអរគុណដល់គ្រួសារ និង អ្នកទាំងអស់គ្នាដែលតែងតែគាំទ្រខ្ញុំកន្លងមក ជាពិសេសនោះ គឺការលេងក្នុងអាជីពបាល់ទាត់រយៈពេល ២៤ ឆ្នាំកន្លងមក ។ ម្យ៉ាងវិញទៀត ដល់ពេលដែលខ្ញុំត្រូវបញ្ចប់អាជីពបាល់ទាត់ហើយ ។ បាល់ទាត់គឺជាអព្ភូតហេតុដ៏អសា្ចរ្យមួយក្នុងជីវិត ព្រោះថាខ្លួនកើតក្នុងគ្រួសារក្រីក្រ ដោយបានផ្លាស់ប្តូរជីវភាពខ្លួនទាំងស្រុង” ។ នេះបើតាមសម្តី Rivaldo បានប្រាប់ដល់ ESPN ។
កីឡាករ Rivaldo ត្រូវបានគេចាត់ទុកថាជាកីឡាករមួយរូប ដ៏អស្ចារ្យរបស់ប្រេស៊ីលផងដែរ។ ភាពជោគជ័យបំផុតរបស់គាត់ គឺលេងឲ្យ Bacelona រយៈពេល ៥ ឆ្នាំ ដោយជួយឲ្យក្រុមនេះ ឈ្នះ ពានរង្វាន់ ២ ក្នុងនោះពានរង្វាន់ La Liga championship និង King’s Cup នៅឆ្នាំ ១៩៩៨ ។ ក្រៅពីនេះបានជួយឲ្យជាតិខ្លួនឈ្នះពានរង្វាន់ បាល់ទាត់ពិភពលោកនៅឆ្នាំ ២០០២ ផងដែរ។
អ្វីដែលកាន់តែពិសេសជាងនេះទៅទៀត Rivaldo ដែលជាអ្នកលេងរំអួយ ត្រូបាន FIFA បោះឆ្នោតឲ្យជាប់ជាអ្នកលេងល្អប្រចាំឆ្នាំ ក្នុងឆ្នាំ ១៩៩៩ និង ឈ្នះពានរង្វាន់អឺរ៉ុប European Golden Ball ផងដែរ ក្នុងឆ្នាំដដែល។
សូមបញ្ជាក់ផងដែរថា ការបញ្ចប់អាជីពរបស់ Rivaldo គឺធ្វើឡើងនៅក្លិប Mogi Mirim ក្នុងក្របខណ្ឌ Serie C របស់ប្រេស៊ីលក្នុងឆ្នាំ ២០១៤ នេះ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់