ឯកឧត្តម ហ៊ុន ម៉ានី ប្រធានសហព័ន្ធសហភាពយុវជនកម្ពុជា បានថ្លែងនៅក្នុងជំនួប ពិភាក្សា ជាមួយឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ
កាលពីថ្ងៃទី ២០ ខែមីនា ឆ្នាំ ២០១៤ ថា អង្គរសង្ក្រានឆ្នាំនេះនឹងកាន់តែពិសេសជាងឆ្នាំមុន ដោយមានការ ដាក់បញ្ចូលបន្ថែមនូវកម្មវិធីពិសេសៗមួយចំនួនប្លែកជាងកាលពីឆ្នាំ ២០១៣ ហើយរំពឹងថា ភ្ញៀវ ជាតិ និងអន្តរជាតិជាង ៣ ម៉ឺននាក់នឹងបានចូលរួមទស្សនា និងកម្សាន្តនា ពេលខាងមុខនេះ ។
ព្រឹត្តិការណ៍អង្គរសង្ក្រាន្តឆ្នាំ ២០១៤ នឹងធ្វើនៅខេត្តសៀមរាបមានរយៈពេល ៤ ថ្ងៃ ដែលកម្មវិធី នេះនឹងប្រព្រឹត្តទៅចាប់ពីថ្ងៃទី ១៣ ដល់ថ្ងៃទី ១៦ ខែមេសា ឆ្នាំ ២០១៤ ក្នុងដែនដី តំបន់អង្គរវត្ត ដើម្បីអបអរសាទរពិធីបុណ្យចូលឆ្នាំថ្មីប្រពៃណីខ្មែរ ក្នុងនោះមានការលេងល្បែង ប្រជាប្រិយខ្មែរ ការសម្តែងរបាំសិល្បៈបុរាណ ការបង្ហាញចម្លាក់វប្បធម៌និងពិធីប្រពៃណីផ្សេងៗជាច្រើនទៀត។
ឯកឧត្តមរដ្ឋមន្ត្រី អ៊ិត សំហេង បានថ្លែងកោតសរសើរយ៉ាងខ្លាំងដល់យុវជនខ្មែរ ក្នុងចង្កោមស ហព័ន្ធសហភាពយុវជនកម្ពុជា ដែលមានគំនិតរៀបចំផ្សព្វផ្សាយពីវប្បធម៌ខ្មែរ តាមរយៈព្រឹត្តិ ការណ៍ដ៏អស្ចារ្យអង្គរសង្ក្រាន្តនៅកម្ពុជានេះ ។ ឯកឧត្តមរដ្ឋមន្ត្រីបានថ្លែងទៀតថា ទើបតែយុវ ជនខ្មែរក្នុងសម័យតេជោនេះប៉ុណ្ណោះ ដែលមានគំនិតរៀបចំផ្សព្វផ្សាយវប្បធម៌ខ្មែរ តាមរយៈ ព្រឹត្តិការណ៍អង្គរសង្ក្រាន្តនេះឡើង ស្របពេលដែលកម្ពុជាទទួលបានសន្តិភាពពេញ លេញ ។ ទោះជាយ៉ាងនេះក្តី ខណៈព្រឹត្តិការណ៍អង្គរសង្ក្រាន្តមានការគាំទ្រពីប្រជាពលរដ្ឋ ច្រើននោះ ឯកឧត្តមរដ្ឋមន្ត្រីក៏បានជំរុញឲ្យសហព័ន្ធសហភាពយុវជនកម្ពុជាមានការប្រុងប្រយ័ត្នខ្ពស់ចំ ពោះបញ្ហាសន្តិសុខ សុវត្ថិភាព និងអនាម័យរបស់អ្នកចូលរួម ដែលអាចកើត ឡើងដោយប្រ ការណាមួយ ហើយបញ្ហាទាំងនេះក៏មិនអាចមើលរំលងដែរ នៅពេលដែលអង្គរ សង្ក្រាន្តមានមនុស្សចូលរួមរាប់ម៉ឺននាក់នោះ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់