អង់គ្លេស៖ប្រភពព័ត៌មាន Foxsportasia បានចុះផ្សាយឲ្យដឹងថាជាមួយនឹងលទ្ធផលចាញ់លើទឹកដី Old Traford ដែលជាទឹកដីរបស់ខ្លួន ខណៈទទួលភ្ញៀវមេឃខៀវនោះ បានធ្វើឲ្យក្រុមអ្នកគាំទ្រ របស់បិសាចក្រហម ចង់ហក់ទៅលោតវាយក្បាលនិងប្រមាថ គ្រូបង្វឹក David Moyes ។
ប្រវត្តិសាស្ត្រច្រំដែលរបស់ David Moyes ដោយចាញ់លើទឹកដីរបស់ខ្លួន ដោយលទ្ធផល ៣-០ ក្នុងនោះធ្លាប់ចាញ់ ហង្សក្រហម និងរាត្រីយប់មិញ ក៏ចាញ់មេឃខៀវថែមទៀត បន្ទាប់ពីលុត ក្លិប Olympiakos ឡើងទៅកាន់វគ្គ ៨ ក្រុមចុងក្រោយលើទឹកដីខ្លួន ក្នុងក្របខណ្ឌ Champions League ដោយលទ្ធផល ៣-០ ។
មុននឹងទទួលភ្ញៀវ មេឃខៀវ អ្នកចាត់ការទូទៅសញ្ជាតិស្កុតរូបនេះ បានអះអាងថា “ខ្លួននឹងពង្រឹងភាពជោគជ័យរបស់ខ្លួន ពោលគឺយកឈ្នះមេឃខៀវ នៅលើទឹកដី” ។ ក៏ប៉ុន្តែកាអះអាងនោះ មិនបានដូចបំណងឡើយ ដោយ យុទ្ធសាស្ត្ររៀបក្បូនលេងលើទីលានរបស់ Moyes នៅទន់ខ្សោយនៅឡើយ។
ខណៈដែលគ្រាប់ចុងក្រោយ របស់ Yaya Toure ធ្វើឲ្យមេឃខៀវ ឈ្នះក្រៅទឹកដី ដោយលទ្ធផល ៣-០ អ្នកគាំទ្រម្នាក់ ក្នុងចំណោមរាប់ពាននាក់ បានប្រមាថ មើលងាយទៅលើ Moyes ជាមួយនឹងយុទ្ធសាស្ត្រដ៏កំសោយ ខណៈដែល អតីតអ្នកដឹកនាំក្រុមខ្លាំងក្លា Sir Alex Ferguson ក៏នៅទស្សនាទីនោះដែរ។
ចប់ការប្រកួត គេឃើញថា កំលាំងការពារសណ្តាប់ធ្នាប់ នៅបិសាចក្រហម ត្រូវបានបញ្ចូនមកកាន់តែច្រើនឡើង ដើម្បីការការពារ ដល់ការប៉ះទង្គិច ពីសំណាក់ អ្នកគាំទ្រ និង គ្រូបង្វឹក ហេងស៊យ David Moyes ៕
មតិយោបល់