បារាំង៖ កីឡាករ Edinson Cavani បានបញ្ជាក់ថាលុះត្រា តែ ក្លិប Paris Saint-Germain ធ្វការផ្លាស់ប្តូរប្រព័ន្ធលេងរបស់ពួកគេ តែបើមិនប្តូរទេគាត់នឹងសំឡឹងមើលទ្រនំថ្មី ។
កីឡាករ Edinson Cavani គឺជាកីឡាករដែលថ្លៃបំផុត ក្នុងប្រវត្តិសាស្ត្របាល់ទាត់បារាំង បន្ទាប់ពីក្លិបអ្នកមានមួយនេះ បានចំណាយទឹកប្រាក់ទីញ ពី Napoli ក្នុងតម្លៃ ៦០ លានផោន ។
ខ្ញុំនៅទីនេះ គឺរីករាយ ប៉ុន្តែយើងនៅមានរឿង ដែលត្រូវពិភាក្សាជាមួយនឹងក្លិប នោះគឺជាវិធីដែលយើងបានធ្វើផ្សេងគ្នា។ នេះបើតាមសម្តីរបស់ Edinson Cavani បានប្រាប់ដល់សារព័ត៌មានក្នុងស្រុក។
កីឡាកររូបសញ្ជាតិអ៊ុរ៉ាហ្គាយរូបនេះ មិនអាក់អន់ចិត្តនោះទេ ចំពោះការបង្ហាញទម្រង់លេង ដោយរកគ្រាប់បាល់បាន ២១ គ្រាប់ នៅរដូវកាលនេះ ប៉ុន្តែ ជាមួយនឹងប្រព័ន្ធលេងរបស់ អ្នកចាត់ការទូទៅ Laurent Blanc ដោយប្រើទម្រង់ ៤ – ៣ – ៣ ដោយឲ្យ Cavani លេងនៅស្លាបខាងស្តាំ ពោលគឺពីក្រោយ កីឡាករ Zlatan Ibrahmovic ។ ក្នុងន័យនេះដែរ វាបានធ្វើឲ្យ Cavani មិនសប្បាយរីករាយលេងក្នុងទម្រង់នេះឡើយ ដែលធ្វើឲ្យលោកមានចិត្តចង់ចាកចេញទៅសំដៅឆ្ពោះទៅកាន់ បិសាចក្រហម តោខៀវ អធិរាស និង Real Madrid ដែលជាក្លិបខ្លាំងនិងធំៗ កំពុងទំនាក់ទំនងខ្លួន។
នៅខាងសារព័ត៌មាន L’Equipe សួរថា តើរដូវកាលក្រោយលោកនៅតែលេងឲ្យក្លិប PSG ? គាត់បាន ឆ្លើយថា បញ្ចប់រដូវកាលនេះយើងនឹងឃើញហើយថាវាយ៉ាងម៉េចនោះ៕
ឃ្លិបវីដេអូ បង្ហាញទម្រង់លេងរបស់ Cavani៖
មតិយោបល់