អាល្លឺម៉ង់ ៖ ប្រភពព័ត៌មានចុងក្រោយបំផុតពី មន្ទីរសុខាភិបាលនៅក្នុងក្លិប Bayern បានឲ្យដឹងថា កីឡាករ Diego Contento ដែលបានរបួស ជាច្រើនសប្តាហ៍មកនេះ បានចូលរួមហ្វឹកហាត់នៅលើទីលានវិញហើយ ។ បញ្ហារបួសដែលធ្វើឲ្យ Diego Contento បាត់មុខ គឺដោយសារតែទទួលរងការវាយប្រហារ ពីមិត្តរួមក្រុម ក្នុងអំឡុងពេលហ្វឹកហាត់។
តែទោះជាចូលមកហ្វឹកហាត់មែនពិត Diego Contento នឹងមិនបានបង្ហាញខ្លួនលេងឡើយ ខណៈដែល ក្លិប Bayern Munich ត្រូវជួបប្រកួត ជាមួយនឹង ក្លិប Augsburg នៅថ្ងៃសៅរ៍នេះ ។
ដូច្នេះមានន័យថា កីឡាករ វ័យ ២៣ ឆ្នាំ ដែលជាខ្សែការពារ នឹងអវត្តមាន ប្រកួតជាមួយនឹង បិសាចក្រហម Manchester United នៅសប្តាហ៍បន្ទាប់នេះដែរ ក្នុងក្របខណ្ឌ Champions League ។
ព័ត៌មាននេះដែរត្រូវបានអះអាង ដោយគ្រូបង្វឹក Pep Guardiola ថា “បើទោះបីជា Diego Contento ជាជម្រើសដ៏ល្អ ក៏ប៉ុន្តែមិនអាចទេ ព្រោះថា របួសរបស់កីឡាកររូបនេះមិនទាន់ជាសះមួយរយភាគរយនៅឡើយ ” ។
សម្រាប់ជើងទី ២ ក្នុងក្របខណ្ឌ Champions League Bayern Munich នឹងលេងដោយគ្មានកីឡាករ Schweinsteiger និង Javi Martinez ខណៈដែលកីឡាករពីរដួងនេះ ត្រូវបានព្យួរមិនឲ្យលេងនោះស្របពេលដែលលេងជាប់គ្នារដឹកពេក ៕
មតិយោបល់