ក្លិបបិសាចក្រហម Manchester United នឹងឆ្ពោះការបំផុសបំផុល សាងទំនុកចិត្ត ការបង្ហាញទម្រង់លេងបំបាក់ក្លិប Bayern Munich ខណៈនឹងធ្វើដំណើរទៅកាន់ ពហុកីឡដ្ឋាន St James’ Park នៅថ្ងៃសៅរ៍នេះវេលាម៉ោង ១០ យប់ ដើម្បីជួបការប្រកួតជាមួយនឹង Newcastle United ។
ក្នុងនោះ David Moyes បានអះអាងថា លទ្ធផល ស្មើ ១-១ ក្នុងការប្រកួត នាជើងទី ១ ក្នុងក្របខណ្ឌ UEFA Champions League នោះ វាជាឱកាសមួយដែលធ្វើឲ្យយើងមានទំនុកចិត្តក្នុងការត្រឡប់ទៅវិញ ដើម្បីជួបការប្រកួតនៅ Allianz Arena ។
តែទោះជាយ៉ាងណាសម្រាប់រាត្រីនេះ យើងមិនដឹងថា David Moyes អាចឆ្លងផុត ការប្រកួតនៅក្រៅទឹកដីក្នុងក្របខណ្ឌ EPL របស់អង់គ្លេសនៅឡើយនោះទេ ខណៈជួបម្ចាស់ផ្ទះ Newcastle United ។ ទន្ទឹមនឹងគ្នានេះដែរ យើងអាចមើលជំនួបជើង ជាប្រវតិ្តសាស្ត្រកន្លងមក ក្នុងការជួបប្រកួតរវាងក្លិប បិសាចក្រហម និង Newcastle United ខ្លះៗ ដូចខាងក្រោមនេះ៖
នៅក្នុងឆ្នាំ ១៩៧២ ក្លិប Newcastle United បានបំបាក់ក្លិប បិសាចក្រហម ដោយលទ្ធផល ១-០ នៅពហុកីឡដ្ឋាន Old Trafford ដែលជារឿងប្រវត្តិសាស្ត្រមួយ។
សម្រាប់លទ្ធផលប្រកួតនៅពេលបច្ចុប្បន្ននេះដែរ Newcastle United ចាញ់ប្រកួត ៩ ប្រកួក្នុងចំណោម ១៤ ប្រកួត កន្លងមក មក ដោយស្មើ ១ ឈ្នះ ៤ តែប៉ុណ្ណោះ ខណៈជុំប្រកួតនាពេលបច្ចុប្បន្នឈានដល់ ៣២ ។
ដោយឡែកសម្រាប់បិសាចក្រហម រាល់ ៣០ ប្រកួត តែងតែមានពិន្ទុ លើសពី ៤៨ ក៏ប៉ុន្តែនៅរដូវកាលនេះដូចខ្សត់ខ្សោយបន្តិចក្រោមការដឹកនាំរបស់ David Moyes ដោយធ្លាក់ទៅកាន់លេខរៀងទី ៧ នៃតារាង ដោយមិនរំពឹងថាបាន លេខរៀងទី ៤ទៀតផង ។
ចង់ដឹងថារាត្រីនេះ បិសាចក្រហមអាចទៅរួចឬយ៉ាងណា សូមរងចាំទស្សនាទាំងអស់គ្នា ។ ក៏ប៉ុន្តែដំណឹង សូមព្យាករណ៍ទុកមុនថា លទ្ធផល យប់នេះ បិសាចក្រហម ឈ្នះ ២-១ ៕
មតិយោបល់