ការរអិលបាក់ដី ដែលបង្កឡើងដោយសារភ្លៀងធ្លាក់យ៉ាងខ្លាំងបានរាំងស្ទះដល់ដំណើររថភ្លើងនៅលើកោះដ៏សំខាន់របស់ប្រទេសឥណ្ឌូនេស៊ី កាលពីយប់ថ្ងៃសុក្រម្សិលមិញដែលបណ្ដាលឲ្យស្លាប់មនុស្ស ៥នាក់។
អ្នកដំណើរនៅលើរថភ្លើងមានប្រមាណជា ២៥០នាក់ បានធ្វើដំណើរពីទីក្រុង Bandung ភាគខាងលិចនៃកោះ Java ទៅកាន់ Malang ភាគខាងកើតនៃប្រទេស។ ការបាក់ដីនេះ បានលក្ខណៈទ្រង់ទ្រាធំដែលបង្កឡើងដោយភ្លៀងធ្លាក់យ៉ាងខ្លាំង ដែលបានបណ្ដាលឲ្យរថភ្លើងជួបនូវគ្រោះថ្នាក់រហូតដល់ស្លាប់មនុស្ស ៥នាក់។
អ្នកពាក្យរបស់ទីភ្នាក់ងារមហន្តរាយជាតិ បានឲ្យដឹងថា ហេតុការខាងលើបានកើតឡើងនៅវេលាម៉ោង ៦:៣០នាទីល្ងាច កាលពីថ្ងៃសុក្រ នៅក្នុងទីក្រុង Tasikmalaya ជាផ្លូវរថភ្លើងឆ្លងកាត់ ដែលបណ្ដាលឲ្យស្លាប់មនុស្ស ៥នាក់។
អ្នកនាំពាក្យបានបន្តទៀត សាកសព ៣នាក់ត្រូវបានជម្លៀសចេញ និង២នាក់ទៀតត្រូវបានជាប់នៅក្នុងរថភ្លើង ចំណែកអ្នកផ្សេងទៀតដែលនៅរស់ ត្រូវបានជម្លៀសដោយអាជ្ញាធរ ក្នុងនោះអាជ្ញាធរក៏បានបញ្ជាក់ផងដែរថា គ្មានមនុស្សរបួសឡើយ។
គួរបញ្ជាក់ផងដែរថា គ្រោះថ្នាក់នៅលើផ្លូវរថភ្លើងក្នុងប្រទេសឥណ្ឌូនេស៊ីគឺជារឿងធម្មតា ហើយការរអិលបាក់ដីដោយសារទឹកជំនន់ ភ្លៀងបានកើតឡើងជាញឹកញាប់សម្រាប់ប្រទេសមួយនេះផងដែរ៕
មតិយោបល់