អង់គ្លេស​៖ គ្រាប់បាល់ចុងក្រោយរបស់ Demba Ba បាន​ធ្វើឲ្យតោខៀវ ​ឈាន​ជើង​ចូល​ វគ្គ​ពាក់កណ្តាលផ្តាច់ព្រ័ត្រ ក្នុងក្របខណ្ឌ UEFA Champions League បន្ទាប់ពីប្រកួត​វគ្គចុងក្រោយ ​ក្នុងវគ្គ 1/4 ដោយទទួលភ្ញៀវ និង សួរសុខទុក្ខភ្ញៀវ Paris St-Germain ទាំងពីរជើង ត្រឹមតែស្មើ ៣ -៣ ។
ក្នុងជំនួបជើងទី ១ ក្លិប តោខៀវបានធ្វើសួរសុខទុក្ខភ្ញៀវ PSG នៅលើទឹកដីបារាំង ដោយ​ចាញ់ក្នុងលទ្ធផល ៣ -១ ។ ក៏ប៉ុន្តែ​សម្រាប់ជើងទី​២ នេះវិញ តោខៀវ​ធ្វើ​បាន​យ៉ាងល្អបំផុត ដោយលុតក្លិប ​PSG ក្នុងលទ្ធផល ២ – ០ ដែលស្តែង​ឲ្យឃើញពី ​ភាព​ខ្លាំងក្លារបស់ខ្លួន ឆ្ពោះទៅកាន់​វគ្គ ពាក់កណ្តាលផ្តាច់ព្រ័ត្រ ។
គ្រាប់បាល់បើកឆាក បំប៉ោង​សំណាញ់ទៅលើ​ភ្ញៀវ PSG គឺស្វែងរកដោយកីឡាករ Andre Schurrle នៅនាទី ៣២ និង Demba Ba នៅនាទី ៨៧ ដែលគ្រាប់បាល់មួយ​ធ្វើ​ឲ្យតោខៀវ ឈ្នះ ។​

ដោយឡែក សម្រាប់​រាត្រីជាមួយនឹងគ្នានោះដែរ ក្លិប Borussia Dortmund ធ្វើមិនបានល្អដូចអ្វីដែល​ព្រាង​ទុកឡើយ បើទោះបីជាឈ្នះ​ក្លិប អធិរាជស Real Madrid ក្នុងលទ្ធផល ២ – ០ ក្តី កាលពីរាត្រីយប់មិញ ។បើទូទាត់​ទាំងពីរជើង ក្លិប Borussia Dortmund នៅចាញ់មួយគ្រាប់ទៀត ខណៈដែលខ្លួន​​ធ្វើដំណើរទៅកាន់អេស្ប៉ាញ កាលពីសប្តាហ៍កន្លងទៅ ដោយចាញ់ ៣ – ០ ។ បូករួមលទ្ធផល ទាំងពីរជើង Borussia Dortmund 2- 3 Real Madrid ដូចនេះ ក្លិប Borussia Dortmund ធ្លាក់ចេញពីក្របខណ្ឌ UEFA Champions League ដូច​អ្វីដែលដំណឹងបានព្យាករណ៍ទុក កាលពីម្សិលមិញ ៕​
ទស្សនាវីដេអូឃ្លិបដូចខាង​ក្រោមនេះ​៖
Chelsea 2 – 0 Paris Saint Germain

Borussia Dortmund 2 – 0 Real Madrid