ភ្នំពេញ៖ កន្លងមកក្រសួងអប់រំ យុវជន និងកីឡា បានដាក់ឲ្យប្រើប្រាស់ពុម្ពអក្សរយូនីកូដខ្មែរ និងកម្រងកម្មវិធីការិយាល័យភាសាខ្មែរ ប៉ុន្តែនៅតាមអង្គភាពមួយចំនួនអនុវត្តមិនទាន់បានទូលំទូលាយ។
ដោយឃើញដូច្នេះ ក្រសួង បានកំណត់ថា គ្រប់គ្រឹះស្ថានអប់រំទាំងអស់ត្រូវប្រើប្រាស់ពុម្ពអក្សរយូនីកូដខ្មែរតាមបទដ្ឋានបច្ចេកទេស និងត្រូវប្រើពុម្ពអក្សរយូនីកូដខ្មែរ និងកម្រងកម្មវិធីកុំព្យូទ័រការិយាល័យភាសាខ្មែរ និងមានកម្មវិធីត្រួតពិនិត្យអក្សរាវិរុទ្ធភាសាខ្មែរសម្រាប់ផលិត និងរៀបចំរាល់លិខិតបទដ្ឋានគតិយុត្តិនានា គ្រប់ឯកសាររដ្ឋបាល ឯកសារសិក្សា និងឯកសារស្រាវជ្រាវគ្រប់កម្រិតសិក្សា។
បើសិនបើជួបប្រទះបញ្ហាបច្ចេកទេស អង្គភាពទាំងអស់អាចទាក់ទងនាយកដ្ឋានព័ត៌មាន និងកិច្ចការអាស៊ាន តាមរយ:អាសយដ្ឋានសារអេឡិចត្រូនិក៖ icteo@moeys.gov.kh ឬតាមទូរស័ព្ទលេខ ០២៣ ២១០ ១៣៤៕
មតិយោបល់