អេស្ប៉ាញ៖ កាលពីរាត្រីទៀបភ្លឺយប់មិញនេះ ​កីឡាករ Joao Miranda និង​ Diego Costa បានរក ៣ ពិន្ទុថែមឲ្យក្លិប Atletico Madrid ដោយស្ថិតនៅកំពូលតារាង ក្នុងក្របខណ្ឌ Primera Liga ខណៈដែ​លឈ្នះក្លិប Elche ដោយលទ្ធផល​ ២ – ០ ។​

Atletico Madrid មានឱកាសស៊ុតប៉េណ័លទី នៅនាទី ៥០ ក៏ប៉ុន្តែ​បែរជាកីឡាករ David Villa ធ្វើមិនបានសម្រេច​ទៅវិញ ។​ តែ​ទោះជាយ៉ាងណានៅនាទី ៧២ កីឡាករ Joao Miranda បាន​តែតបំប៉ោងសំណាញ់ ក្លិប Elche ជួយឲ្យក្លិប Atletico Madrid នាំមុខ​ដោយគ្រាប់បាល់ ១ – ០ ។ នៅនាទី ៩០ + ១ កីឡាករ Diego Costa ក៏មានឱកាស​ស៊ុតប៉េណ័លទី ​ម្តងវិញ ពេលដែលខ្សែការពារ Sapunaru បានធ្វើឲ្យ Diego Costa ដួលនៅប្រអប់សំខាន់ ខណៈដែល ព្យាយាមក្លៀរបាល់​ចេញនោះ និងត្រូវពិន័យ​កាតក្រហម ដេញចេញពីទីលានផងដែរ​។​

ក្រោយ​សម្លេងកញ្ជែរ អាជ្ញាកណ្តាលផ្លុំបញ្ចប់ការប្រកួត ក្លិប Atletico Madrid ឈ្នះក្លិប Elche ២ – ០ និងស្ថិតនៅកំពូលតារាង ដោយ​ឈ្នះពិន្ទុ ៦ ពីក្លិបប្រជែង អធិរាស Real Madrid នោះគឺ ៨៥ និង ៧៩ ដោយ Real Madrid នៅសល់ ១ ប្រកួតចុង​ក្រោយ​៕​
ទស្សនាវីដេអូឃ្លិបដូចខាង​ក្រោមនេះ ៖