ភ្នំពេញ ៖ បុរសម្នាក់បានត្រូវកម្លាំងនគរបាលប៉ុស្តិ៍ដើមថ្កូវបានធ្វើការឃាត់ខ្លួនភ្លាមៗ ពីបទជួញដូរគ្រឿងញៀនខុសច្បាប់ ក្នុងសង្កាត់ផ្សារដើមថ្កូវខណ្ឌចំការមន កាលពីវេលាម៉ោង១០ និង២០ នាទីយប់ ថ្ងៃទី២២ ខែមេសា ឆ្នាំ ២០១៤ នៅពេលសមត្ថកិច្ចកំពុងជិះម៉ូតូដើរល្បាតតាមមូលដ្ថានប្រទះឃើញ។
ជនសង្ស័យខាងមានឈ្មោះ អ៊ុត ចិន្តា អាយុ ២៨ ភេទប្រុស មុខរបរជានិស្សិតនៅសាកលវិទ្យាល័យ ភូមិភ្នំពេញ ឆ្នាំទី៣ ផ្នែក ស្នាក់នៅផ្ទះជួលលេខ ២០៦ ផ្លូវ៩៥ សង្កាត់ ផ្សារដើមថ្កូវ ខណ្ឌ ចំការមន។
ប្រភពព័ត៌មានបានឱ្យដឹងថានៅមុនពេលឃាត់បុរសខាងលើគឺកម្លាំងនគរបាលប៉ុស្តិ៍ដើមថ្កូវ កំពុងជិះម៉ូតូដើរល្បាតតាមមូលដ្ថានតាមផ្លូវ ក៏ប្រទះឃើញបុរសម្នាក់កំពុងជិះម៉ូតូមួយគ្រឿងម៉ាក ស្តុបពី ពណ៌ ខ្មៅលាយទឹកប្រាក់ ពាក់ស្លាក់លេខ 1AS-5340 ដោយមានការសង្ស័យ នគរបាលក៏បានហៅបុរសនោះឲ្យឈប់ម៉ូតូដើម្បីសាកសួរនិងឆេកឆេរ ក៏បានឃើញម្សៅក្រាមសថ្លាចំនួន២កញ្ចប់តូច ដែលបុរសនោះដាក់នៅក្នុងប្រអប់ម៉ូតូគេ តែភ្លាមៗនោះបុរសដែលជាជងសង្ស័យខាងក៏បានប្រកែកថាម្សៅក្រាមសថ្លាចំនួន២កញ្ចប់នេះមិនមែនជារបស់គេនោះទេហើយក៏បានចោទថាសមត្ថកិច្ចជាអ្នកដាក់នៅក្នុងប្រអប់ម៉ូតូរបស់គេថែមទៀត តែទោះជាមានការប្រកែកពីបុរសនោះយ៉ាងណាក៏ដោយ សមត្ថកិច្ចនាំបុរសនេះយកទៅកន្លែងដែលគេស្នាក់នៅជាផ្ទះជួលរួចធ្វើការសហការជាមួយម្ចាស់ផ្ទះ ក៏បានឆេកឆេរឃើញ គ្រឿងញៀនប្រភេទម៉ាទឹកកក ចំនួន២កញ្ចប់ធំថែមទៀត បន្ទាប់ពីបានឃើញមានវត្ថុតាងរួចហើយ ក៏សមត្ថកិច្ច ធ្វើការឃាត់ខ្លួនបុរសនោះតែម្តង ។
បច្ចុប្បន្នជនសង្ស័យខាងលើត្រូវបាននគរបាលប៉ុស្តិ៍ដើមថ្កូវ បញ្ជូនមកទីនរគបាល ខណ្ឌចំការមនធ្វើការសាកសួរ ដើម្បីកសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់៕
មតិយោបល់