ក្រោយពី អគ្គស្នងការដ្ឋាននគរបាលជាតិនៃក្រសួងមហាផ្ទៃ ឃាត់ខ្លួនសមាជិកក្រុម Hacker ខ្មែរចំនួន ពីរនាក់រួចមក នៅលើ Facebook Page របស់ Anonymous Cambodia បានបង្ហោះសារថា ពួកគេនឹងចាប់ផ្ដើមផ្ដួលរំលំរដ្ឋាភិបាលកម្ពុជា។
ក្រុម Hackers បានបង្ហោះនៅទំព័រ Facebook Page កាលពីថ្ងៃពុធថា ពួកគេ នឹងចាប់ផ្តើមនៅពេលដែលមានអ្នកគាំទ្រពួកយើងច្រើន ដើម្បីជួយដល់ការដោះលែងសមាជិករបស់គេ២នាក់ ។ ក្រុមនោះ ព្រមានថាក្រុមអនាមិកទូទាំងពិភពលោក នឹងចូលមករួមដៃជាមួយពួកយើងដើម្បីផ្តួលរំលំរដ្ឋាភិបាលកម្ពុជា ក្រុមអនាមិក សរសេរថា«ពួកពុករលួយខ្លាចយើង ពួកស្មោះត្រង់គាំទ្រយើង ពួកអ្នកតស៊ូចូលរួមជាមួយយើង ពួកយើងមិនអភ័យទោស ពួកយើងមិនបំភ្លេចចោល….»។ ពួកHackersបន្តថា អ្នកចាប់ពួកគេត្រឹមតែ២នាក់ ប៉ុន្តែពួកគេ នៅតែអាចបន្តការងារ ហើយនឹងចាប់ផ្តើមឲ្យខ្លាំងជាងមុន១០ដង ១០០០ដង ១០០០០ដង និងគ្មានទីបបញ្ចប់ចាប់ពីពេលនេះតទៅ។
គួរបញ្ជាក់ផងដែរថា កាលពីថ្ងៃទី០៧ ខែមេសា ឆ្នាំ២០១៤ បានឃាត់ខ្លួនក្រុម Hackers កម្ពុជាចំនួន០២នាក់ ដែលជាប់ពាក់ព័ន្ធការវាយប្រហារទ្រង់ទ្រាយធំមកលើបណ្តាញបច្ចេកវិទ្យាព័ត៌មានរបស់ស្ថាប័នជាតិសំខាន់ៗ នាពេលកន្លងមក។ អ្នកដែលត្រូវបានចាប់ខ្លួននោះ រួមមានឈ្មោះ ប៊ុន ឃីងមង្គលបញ្ញា ហៅ Sexmachine ឬ Blackcyber ភេទប្រុស អាយុ២១ឆ្នាំ និងម្នាក់ទៀត ឈ្មោះ ជូ សុងហេង ហៅ Zoro ភេទប្រុសអាយុ២១ឆ្នាំ ជានិស្សិតឆ្នាំទី០៣ នៅសាកលវិទ្យាល័យ SETEC ៕
មតិយោបល់