កាលពីវេលាម៉ោង ១១និង៣០នាទី ថ្ងៃទី២៣ ខែមេសា ឆ្នាំ២០១៤ នៅចំណុចភូមិដូង ឃុំបឹងរាំង ស្រុកកំរៀង កម្លាំងបានចុះបង្ក្រាប ករណីចែកចាយ ថ្នាំញៀន ឃាត់ខ្លួនបាន២នាក់ និងរឹបអូសបានយ៉ាម៉ាបាន ៤គ្រាប់។
យោងតាម មន្ត្រីនគរបាល ស្រុកកំរៀងបានឲ្យដឹងថា ក្នុងនោះម្នាក់មានដីកា បង្គាប់ឲ្យចាប់ខ្លួនលេខ៩៦ ដប.ចខ ចុះថ្ងៃទី២៦ ខែកុម្ភៈឆ្នាំ២០១៤ ចេញដោយចៅក្រមស៊ើបសួរ លោក សាអឿន កោសល្យមុនី សាលាដំបូងខេត្ត ។
ជនសង្ស័យដែលត្រូវឃាត់ខ្លួនមានឈ្មោះ អ៊ុច វិច្ឆិកា ភេទប្រុសអាយុ២២ឆ្នាំ រស់នៅភូមិចុងឃុំសំបូរ ស្រុកបាធាយ ខេត្តកំពង់ចាម មកស្នាក់នៅ បណ្តោះ អាសន្នឆ្លងដែន ទៅធ្វើការនៅប្រទេសថៃ និង ឈ្មោះ យិន យួន ភេទប្រុសអាយុ៣៦ឆ្នាំ រស់នៅភូមិដូងឃុំបឹងរាំង ស្រុកកំរៀង (ជាអ្នកលក់) មានដីកាចាប់ខ្លួន ពីតុលាការផង ដោយជាប់ ចោទពីបទសម្រួល ឲ្យប្រើប្រាស់ដោយ ខុសច្បាប់នូវសារធាតុញៀន និងបានប្រព្រឹត្ត កាលពីថ្ងៃទី២០ ខែមិថុនា ឆ្នាំ២០១២ នៅភូមិ.ឃុំ.ស្រុកភ្នំព្រឹក កន្លងទៅរួចគេចខ្លួនបាត់៕
មតិយោបល់