ភ្នំពេញ៖ យុវជនស្រវឹងជោគជាំម្នាក់ តណ្ហាឡើងក ចូលច្រៀងខារ៉ាអូខេ ហើយឃើញក្មេងស្រីស្អាតជាកូនម្ចាស់ខារ៉ាអូខេទំនង ក៏ចូលទៅចាប់រំលោភដើម្បីសម្រេចបំណងផ្លូវភេទរបស់ខ្លួន ។ ហេតុការណ៍ តណ្ហាឡើង ចាប់រំលោភក្មេងស្រីនេះ បានកើតឡើងកាលពីថ្ងៃទី ១១ ខែ ឧសភា ឆ្នាំ ២០១៤ វេលាម៉ោង ១១ និង ៣០ នាទី នៅសង្កាត់ កាកាប ខណ្ឌ ពោធិ៍សែនជ័យ។
ជនល្មោភកាម ឈ្មោះ ច័ន្ទ ដារ៉ា អាយុ ២៣ ឆ្នាំ មុខរបរជាកម្មកររោងចក្រ មានទីលំនៅផ្ទះលេខ ៤២ សង្កាត់ ផ្សារដេប៉ូទី ១ ខណ្ឌ ទួលគោក បានឃាត់ខ្លួន នៅវេលាម៉ោង ២ រំលងអធ្រាត្រ ឈានចូលថ្ងៃទី ១២ ខែ ឧសភា បន្ទាប់ពីក្មេងស្រី រងគ្រោះឈ្មោះ ប.ធ.រ អាយុ ១៣ ឆ្នាំ ជាសិស្ស បានរាយការណ៍ប្រាប់ឪពុកខ្លួន។
បើតាមសម្តីរបស់ក្មេងស្រីរងគ្រោះបានឲ្យដឹងថា ជនសង្ស័យ ខាងលើ នេះ បានបើកទ្វារបន្ទប់នាង ដែលមិនបានចាក់សោ ខណៈដែលនាងដេកនៅជាន់ទី ១ តែម្នាក់ឯង ហើយជនសង្ស័យខាងលើ បានចូលទៅរំលោភរហូតដល់បានសម្រេច បើទោះបីជានាង ខិតខំរើបម្រះ និងស្រែកឲ្យគេជួយក៏ដោយ ។ ក្រោយការរំលោភជនសង្ស័យ មិនបានទៅណានោះទេ នៅតែបន្តច្រៀងខារ៉ាអូខេដដែល ឆ្លៀតឱកាសនេះខ្លួនក៏បានចូលទៅរាយការណ៍ប្រាប់ឪពុកនៅជាន់ក្រោម។
ក្រោយការឃាត់ខ្លួន និងចង្អុលបង្ហាញមុខពី ក្មេងស្រីរងគ្រោះ ជនសង្ស័យខាងលើ ត្រូវបានឪពុកនារីរងគ្រោះឃាត់ខ្លួន ជនសង្ស័យ ប្រគល់ឲ្យសមត្ថកិច្ច ហើយគេក៏បានសារភាពថា ពិតជាបានចាប់រំលោភក្មេងស្រីនោះ ប្រាកដមែន៕
មតិយោបល់