យ៉ាងហោចណាស់ក្មេង ៣២នាក់ បានស្លាប់នៅក្នុងហេតុការណ៍ឆេះរថយន្តដឹកក្មេងមួយនៅក្នុងប្រទេសកូឡុំប៊ី កាលពីថ្ងៃអាទិត្យម្សិលមិញនេះ។នេះបើយោងតាមការចុះផ្សាយរបស់ CNN។
រថយន្តបានបើទៅដឹកសិស្សចេញពីកម្មវិធីមួយនៅក្នុងព្រះវិហារ Fundacion ក្នុងប្រទេសកូឡុំប៊ី ហើយបើតាមសំដីរបស់កុមារដែលរត់រួចចេញពីរថយន្តខណៈពេលកំពុងឆេះបានឲ្យដឹងថា មនុស្សគ្រប់គ្នានៅលើរថយន្តបានស្រែក និងព្យាយាមរកវិធីចាកចេញពីរថយន្តតាមរយៈបង្ហួចរថយន្ត ហើយអ្នកដែលរត់មិនរួចបាន បានស្លាប់នៅក្នុងហេតុការណ៍។
សាក្សីម្នាក់បានប្រាប់អាជ្ញាធរថា អ្នកបើកបររថយន្តបានផឹកស្រា ព្រមទាំងបានដាក់ធុងប្រេងសាំងនៅលើរថយន្តនោះ មុនពេលចេញទៅយកក្មេងៗ។
លោកប្រធានាធិបតីកូឡុំប៊ី បានសម្ដែងនូវសេចក្ដីទុក្ខទៅលើក្រុមគ្រួសារនៃសព តាមរយៈបណ្ដាញទំនាក់ទំនង Twitter និងបានធ្វើដំណើរទៅកាន់កន្លែងកើតហេតុទៀតផង៕
មតិយោបល់