ថៃ៖ប្រមុខកងទ័ពជើងគោក លោកប្រាយុទ្ធ ចាន់អ៊ូឆា បានប្រកាសខ្លួនឯងជានាយករដ្ឋមន្ត្រីស្ដីទីក្រោយពីបានប្រកាសធ្វើរដ្ឋប្រហារកាលពីល្ងាចថ្ងៃទី២២ខែឧសភា ម្សិលមិញ។ នេះបើយោងតាមការចុះផ្សាយរបស់គេហទំព័របាងកក់ប៉ុស្ដិ៍ ចេញផ្សាយនៅព្រឹកថ្ងៃទី២៣ខែឧសភា។
ក្រុមប្រឹក្សាសន្ដិសុខជាតិ បាននិយាយថា លោកប្រាយុទ្ធ ចាន់អ៊ូឆា នៅតែជាប្រមុខកងទ័ពជើងគោក បើទោះបីជានៅពេលនេះ លោកត្រូវបានប្រកាសតែងតាំងជានាយករដ្ឋមន្ត្រីស្ដីទីក្ដី ហើយការតែងតាំងនេះគឺធ្វើដើម្បីកិច្ចការងាររដ្ឋបាល។
គួរបញ្ជាក់ផងដែរថា កាលពីវេលាម៉ោង ៤និង៥០នាទីល្ងាចថ្ងៃទី២២ខែឧសភា ម្សិលមិញនេះ ប្រមុខកងទ័ពជើងគោក លោកប្រាយុទ្ធ ចាន់អ៊ូឆា បានប្រកាសធ្វើរដ្ឋប្រហារទម្លាក់រដ្ឋាភិបាលប្រចាំផ្ទះ៕
មតិយោបល់