ភ្នំពេញ៖ ថ្ងៃទី២៣ ខែឧសភា ឆ្នាំ២០១៤ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានចូលរួមអបអរសាទរយ៉ាងកក់ក្តៅ ជាទីបំផុត ជូន ចំពោះសម្តេចប្រធានរដ្ឋសភា នៃព្រះរាជាណាចក្រកម្ពុជា ក្នុងឱកាសដែលសម្តេចអគ្គមហាពញាចក្រីកិត្តិ ព្រឹទ្ធបណ្ឌិត ហេង សំរិន ប្រារព្ធបុណ្យ ខួបកំណើតគម្រប់ ៨០ ឆ្នាំ ឈានចូល ៨១ ឆ្នាំដែលចូលមកដល់នៅថ្ងៃ ទី ២៥ ខែឧសភា ឆ្នាំ ២០១៤ ខាងមុខនេះ។
នៅក្នុងលិខិតជូនពរចុះថ្ងៃទី ២៣ ខែឧសភា ឆ្នាំ ២០១៤ ឯកឧត្តម ខៀវ កាញារីទ្ធ បានថ្លែងថា យើង ខ្ញុំទាំងអស់គ្នាជាថ្នាក់ដឹកនាំ មន្ត្រី បុគ្គលិករាជការនៃក្រសួងព័ត៌មាន សូមអនុញ្ញាតសម្តែងនូវអំណរសាទរ យ៉ាងកក់ក្តៅបំផុត ប្រកបដោយមនោសញ្ចេតនារំភើបរីករាយ យ៉ាងក្រៃលែង និងគោរពជូនពរជូនចំពោះ សម្តេចសូមប្រកបដោយកម្លាំងមាំមួន អាយុយ៉ឺនយូរ ដើម្បីដឹកនាំអង្គការនីតិបញ្ញត្តិ នៃព្រះរាជាណាចក្រ កម្ពុជាឲ្យកាន់តែរីកចម្រើន និងទទួលបានជោគជ័យដ៏ត្រចះត្រចង់ថែមទៀត ។
ឯកឧត្តមរដ្ឋមន្ត្រីមានប្រសាសន៍ថា យើងទាំំងអស់គ្នាជាថ្នាក់ដឹកនាំ មន្ត្រី បុគ្គលិករាជការនៃក្រសូង ព័ត៌មានសូមសម្តែង នូវការគោរពកោតសរសើរយ៉ាងស្មោះស្ម័គ្របំផុត ចំពោះស្នាដៃដ៏ឧត្តុង្គឧត្តមរបស់ សម្តេចប្រធានរដ្ឋសភា ដែលសម្តចបានខិតខំ យកអស់ពីកម្លាំងកាយចិត្ត និងប្រាជ្ញាស្មារតីក្នុងបេសកកម្ម ដឹកនាំស្ថាប័នរដ្ឋសភា ដែលជាអង្គនីតិបញ្ញត្តិនៃព្រះរាជាណាចក្រកម្ពុជា ឲ្យមានការវិវឌ្ឍរីកចម្រើនឥតឈប់ ឈរ ពិសេសការកសាងច្បាប់នានាជាច្រើន ក្នុងអាណត្តិរដ្ឋសភានាពេលកន្លងមក និងបន្តដឹកនាំក្នុងអាណត្តិ ទី ៥ នេះ សំដៅពង្រឹងលទ្ធិប្រជាធិបតេយ្យ សេរីពហុបក្ស ហើយជាងនេះទៀត សម្តេចក៏បានយកចិត្តទុក ដាក់ចំពោះសភាពការណ៍តំបន់ និងសភាពការណ៍អន្តរជាតិ ដែលកំពុងវិវឌ្ឍន៍តាមនិន្នាការសន្តិភាព សហ ប្រតិបត្តិការ និងអភិវឌ្ឍន៍ដើម្បីការពារភាពសុខសាន្ត និងឈរលើមូលដ្ឋានស្មើសិទ្ធិ គោរពឯករាជ្យ អធិប តេយ្យ បូរណភាពទឹកដី ថែរក្សារដ្ឋធម្មនុញ្ញ នៃព្រះរាជាណាចក្រកម្ពុជាយើង ។
ឯកឧត្តមរដ្ឋមន្ត្រីបានកត់សម្គាល់ថា សម្តេចអគ្គមហាពញាចក្រីកិត្តិព្រឹទ្ធបណ្ឌិត និងលោកជំទាវ ក៏ បានចូលរួមចំណែកយ៉ាងសកម្ម ក្នុងការកសាងសមិទ្ធផលជាច្រើនសម្រាប់វិស័យសង្គមជាតិ ទាំងផ្នែក អាណាចក្រ និងពុទ្ធចក្រសំដៅបម្រើផលប្រយោជន៍ ដល់ប្រជាពលរដ្ឋ ទូទៅ និងទុកសម្រាប់កូនចៅជំនាន់ ក្រោយផងដែរ ។ ក្នុងនាមថ្នាក់ដឹកនាំ មន្ត្រី បុគ្គលិករាជការនៃក្រសូងព័ត៌មាន ឯកឧត្តមរដ្ឋមន្ត្រីបានគោរព បួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមជួយប្រោះព្រំ ស័ព្ទសាធុការពរ សិរីសួស្តី ជ័យមង្គល វិបុលសុខ បវរមហាប្រសើរថ្លៃថ្លាជូនសម្តេចប្រធានរដ្ឋសភា និងលោកជំទាវ ព្រមទាំង បុត្រធីតា ចៅប្រុស ចៅស្រី សូមបានប្រកបដោយពុទ្ធពរទាំងបួន គឺអាយុ វណ្ណៈ សុខៈ ពលៈ កុំបីឃ្លៀង ឡើយ៕
ប្រភព៖ AKP
មតិយោបល់