ភ្នំពេញ៖តារាសម្តែង ក្លាយទៅជាតារាចម្រៀង ប្រចាំទ្រនំ កូនពៅ ហស្សមាស ផលិតកម្ម ភ្លេងរីខដស៍ កាលពីនៅជាតារាសម្តែង ពិតជាទទួលបាននូវប្រជាប្រិយភាព និងការគាំទ្រមិនតិចនោះឡើយ ។ ក៏ប៉ុន្តែខណៈដែល ប្តូរមុខងារ ក្នុងពិភពសិល្បៈ មកជាតារាចម្រៀងវិញ ហាក់បីដូចជាសត្វពស់ឈើ អណ្តែតលើផ្ទៃទន្លេ លឹបលៗ ទៅមុខក៏មិនរួច ថយក្រោយក៏មិនរួច ដោយរងចាំរលក បក់បោកខ្លួន ផ្ទប់នឹងច្រាំង ។
បើទោះបីជាមានបទ ជាច្រើន ក្នុង ទ្រនំ ភ្លេងរីខដស៍ ក៏ប៉ុន្តែ គៀត សុវណ្ណឡាង មិនសូវជាទទួលបានការគាំទ្រ ដូច ទៅនឹងតារាចម្រៀង រួមដំបូល លាង សុផាឡែន និង Vanilla ឡើយ ។ ការដណ្តើម ទីផ្សារ និងប្រជាប្រិយភាព មិនបាននេះគឺដោយសារតែ សុវណ្ណឡាង សំលេង មិនបាន ។
មជ្ឈដ្ឋាន មហាជនដែលតាមដាន វិស័យ សិល្បៈ នៅក្នុងស្រុកខ្មែរ មួយចំនួន ធំបានឲ្យដឹងថា ” គៀត សុវណ្ណឡាង បើនិយាយពីសម្រស់វិញ នាងគឹជាមនុស្សម្នាក់ ដែលស្រស់សោភា ក្នុងចំណោមតារាផ្សេងទៀត ក្នុងទ្រនំ ពោលគឺស្រីស្រស់ ក្នុងចំណោមស្រីស្រស់ ក៏ប៉ុន្តែអ្វីដែលធ្វើឲ្យ ទស្សនិកជនមិនអាចទទួលយកបាននោះគឺទឹកដមសំនៀង របស់នាង ដែលមិនអាចច្រៀងទៅរួចនោះទេ ទោះបីជា ខាងផលិតកម្ម ខំរុញគូថ និងការព្យាយាមរបស់នាងយ៉ាងណាក៏ដោយ តែគេនៅមិនទាន់ឃើញនាងហុចផ្លែផ្កាជូនផលិតកម្មឡើយ “។ ប្រភពបន្តទៀតថា “អ្វីដែលធ្វើឲ្យយើង សរសើរនាង នោះគឹសេចក្តីព្យាយាមរបស់នាង បើទោះបីជានាង ច្រៀងមិនសូវកើត តែនាងនៅតែព្យាយាម ខំច្រៀង ដោយសារតែនាងស្រលាញ់សិល្បៈ ។ មួយវិញទៀត បើនាងងាកមកសម្តែងវិញ គេជឿជាក់ថាអាចល្អជាងអាជីពនាពេលបច្ចុប្បន្ន ” ៕
https://i1272.photobucket.com/albums/y389/domneng/3D/khmer-fashion-Kit-sovannalang-1_zps47fd93e7.jpg
ទស្សនាវីបទ “មនុស្សរឿងច្រើនដែលស្រលាញ់បង” ដូចខាងក្រោមនេះ៖
មតិយោបល់