នៅថ្ងៃពុធម្សិលមិញនេះ ក្រុមហ៊ុន Apple បានបញ្ជាក់ឲ្យដឹងថា ខ្លួនបានទិញក្រុមហ៊ុន Beats ក្នុងតម្លៃ ៣ពាន់លានដុល្លារអាមេរិក ដើម្បីពង្រីកសេវាកម្មក្រុមហ៊ុនកាសត្រចៀកមួយនេះកាន់តែរីកធំឡើង ជាមួយនឹងសេវាកម្ម Streaming Music។
សេចក្ដីបញ្ជាក់នេះត្រូវបានធ្វើឡើងក្រោយពេលដែលធ្លាយព័ត៌មានចចាមអារ៉ាមថា ក្រុមហ៊ុន Apple គ្រោងទិញ Beats ក្នុងតម្លៃ ៣,២ពាន់លានដុល្លារអាមេរិក ប៉ុន្តែការទិញ-លក់ ត្រូវបានលើកយកមកពិភាក្សា ទើបតែពេលនេះ ចេញព័ត៌មានជាផ្លូវការ។
ក្រុមហ៊ុន Apple បានបញ្ជាក់ថា ក្រុមហ៊ុននឹងរក្សាទុកនូវស្លាកសញ្ញា Beats ឲ្យនៅដដែល ហើយលោក Jimmy Iovine និង Dr. Dre ដែលជាសហស្ថាបនិក Beats ត្រូវបាន Apple អនុញ្ញាតឲ្យចូលបម្រើការងារនៅក្នុងក្រុមហ៊ុន Apple ជាមួយនឹងមុខតំណែងខ្ពស់៕
មតិយោបល់