ភ្នំពេញ៖រថយន្តហាយឡេនឌឺមួយគ្រឿងបានបើកយកមកទុកនៅមុខក្នុងផ្ទះធ្វើមិនដឹងក្រោយពីបានបង្កគ្រោះថ្នាក់ដោយបានបើករថយន្តទៅបុកស្ត្រីម្នាក់ដែលកំពុងអង្គុយលេងមុខផ្ទះបណ្តាលឲ្យរងរបួស កាលពីវេលាម៉ោង ៩និង០០នាទីយប់ថ្ងៃទី២៩ខែឧសភាឆ្នាំ២០១៤ ក្នុងសង្កាតទឹកល្អក់មួយខណ្ឌទួលគោក ចំណុចមុខផ្ទះ ពេញនិយម កាត់ដេរ និង បោកអ៊ុត ។
ប្រភពនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញ រថយន្តហាយឡេនឌឺមួយ គ្រឿង ពណ៌ស្ករ ដែលបើកបរដោយបុរសម្នាក់ បានធ្វើដំណើរតាមបណ្តោយផ្លូវលេខ ២៦៥ ពីជើងទៅត្បូង ខណ:មកដល់ចំណុចកើតហេតុក៏ជ្រុលចង្កូតទៅបុកនិងស្ត្រីម្នាក់ដែលកំពុងអង្គុយលេងនៅមុខផ្ទះគេ ។
ហេតុគ្រោះថ្នាក់ចរាចរណ៍នេះ បណ្តាលឲ្យស្ត្រីរងគ្រោះ រងរបួសបែកក្បាល និងរលាត់ដៃរលាត់ជើង ហើយរថយន្តបង្កបានបើកគេចខ្លួន តែដោយត្រូវបានប្រជាពលរដ្ធនៅកន្លែងកើតហេតុឃើញក៏បានជិះម៉ូតូដេញរហូតមកដល់ចំណុចផ្ទះលេខ ៣D. តាមបណ្តោយផ្លូវ២៧១ស្តួន ក្នុងសង្កាត់ទឹកថ្លាខណ្ឌសែនសុខ ហើយម្ចាស់រថយន្តបង្កបើកចូលផ្ទះធ្វើមិនដឹង។
ក្រោយពេលកើតហេតុសមត្ថកិច្ចបានចុះមកដល់ផ្ទះរបស់រថយន្តបង្កឲ្យចេញមកធ្វើការដោះស្រាយផងដែរ៕
មតិយោបល់