កាលពីថ្ងៃពុធ បណ្តានាវានេសាទរបស់វៀតណាម បានបន្តធ្វើសកម្មភាពរបស់ខ្លួនជាធម្មតាក្នុង ចម្ងាយ២៥-៣០ មីលម៉ារាំង ពីស្ថានីយ៍ខួងអណ្តូងប្រេងកាតនេះរបស់ចិន ដែលបានបោះទីតាំង ដោយខុសច្បាប់នោះ ។
ក្នុងការខិតទៅជិតទីតាំងថ្មីនៃស្ថានីយ៍ខួងអណ្តូងប្រេងកាត Haiyang Shiyou-981 ដែលត្រូវបាន កាន់កាប់ ចាប់តាមងពីថ្ងៃទី២៧ ឧសភាមកនោះ កងកម្លាំងសណ្តាប់ធ្នាប់របស់វៀតណាម ត្រូវបាន ទប់ស្កាត់ និងត្រូវបានបើកបុកដោយពួកនាវាចិន ។
តាមកម្លាំងឃ្លាំមើលធនធាននេសាទរបស់វៀតណាមបានឱ្យដឹងថាៈ ចិនបានរក្សាទុកនាវា នៅដ ដែលប្រមាណជា១២០គ្រឿង និងបានចល័តយន្តហោះចម្បាំង៤គ្រឿង ដែលហោះហើរក្នុង កម្ពស់ ១០០០-១១០០ម៉ែត្រ នៅពីលើស្ថានីយ៍ខួងអណ្តូងប្រេងកាតរបស់ខ្លួន ។
តាមនាយកដ្ឋានឃ្លាំមើលធនធាននេសាទរបស់វៀតណាមបានឱ្យដឹងថាៈ នៅថ្ងៃទី២៧ ឧសភា ចិន បានផ្លាស់ប្តូរទីតាំងរបស់ស្ថានីយ៍ខូងអណ្តូងប្រេងកាត នៅត្រង់ចំណុច១៥អង្សា៣៣នាទី ២២វិនាទី នៃរយៈទទឹងខាងជើង និង១១១អង្សា ៣៤នាទី ៣៦វិនាទីនៃរយៈបណ្តោយខាងកើត ។
កងនាវាចិនបានចែកចេញជា២ក្រុម។ មួយក្រុមការពារមណ្ឌលស្ថិតនៅចម្ងាយ៨-១០មីល-ម៉ារាំង នៃ ស្ថានីយ៍ខួងអណ្តូងប្រេងកាតនេះ និងមួយក្រុមទៀតទទួលបន្ទុកទប់ស្កាត់បណ្តានាវា វៀតណាម ដែលបើកមកជិត ។ នៅពេលយប់ នាវាចិនបានពន្លត់ភ្លើងរបស់ខ្លួន និងទុកឱ្យវារសាត់អណ្តែត ដែលបង្កគ្រោះថ្នាក់ដល់បណ្តានាវាវៀតណាម ។
ចំណែកនាវានេសាទរបស់ចិន បានឡោមព័ទ្ធ និងបានគំរាមកំហែងដល់នាវានេសាទ វៀតណាម ដែលកំពុងដំណើរការរបស់ខ្លួន ក្នុងចម្ងាយ២៥-៣០ មីលម៉ារាំង ពីស្ថានីយ៍ខួងអណ្តូងប្រេងកាត ។
តាមបញ្ជាការដ្ឋាននៃឆ្មាំឆ្នេររបស់វៀតណាមបានឱ្យដឹងថាៈ កងនាវាចិនបានចែកចេញជាក្រុម ពី៦- ៨គ្រឿង បានត្រៀមខ្លួនជានិច្ចក្នុងការប្រើប្រាស់កាណុងបាញ់ទឹក ដើម្បីវាយប្រហារទៅលើបណ្តា នាវាវៀតណាម ដែលបើកចូលមកក្បែរស្ថានីយ៍ខួងអណ្តូងប្រេងកាត ។
បណ្តានាវាវៀតណាមបានបន្តបេសកកម្មរបស់ខ្លួន ដោយទាមទារឱ្យចិនដកចេញស្ថានីយ៍ខួងអណ្តូង ប្រេងកាតរបស់ខ្លួន ដែលបានបោះទីតាំងដោយខុសច្បាប់ នៅក្នុងដែនទឹកវៀតណាម ។
នៅដើមខែឧសភា២០១៤ ចិនបានសម្ញែងយ៉ាងគឃ្លើន នៅក្នុងដែនទឹកវៀតណាមនូវ ស្ថានីយ៍ខួង អណ្តូងប្រេងកាត Haiyang Shiyou-981 និងនាវារាប់សិបគ្រឿង ដែលរួមមានទាំងនាវាចម្បាំងផង ក្រៅពីយន្តហោះ។ ចិនបានបោះទីតាំងស្ថានីយ៍ខួងអណ្តូងប្រេងកាតនេះ ចម្ងាយ ៨០ មីលម៉ារាំងនៅក្នុងខ្ពង់រាបដែនគោក និងក្នុងមណ្ឌលសេដ្ឋកិច្ចមានឯកសិទ្ធិរបស់ វៀតណាម។
កងនាវាដែលនៅអមស្ថានីយ៍ខួងអណ្តូងប្រេងកាតនេះ បានប្រើឥរិយាបថឈ្លានពានមួយ ដោយ បានប្រើប្រាស់កាណុងបាញ់ទឹកដែលមានកម្លាំងខ្លាំង ប្រឆាំងនឹងបណ្តានាវាសេវាកម្ម និងនាវាស៊ីវិល របស់វៀតណាម។ កងនាវាទាំងនេះ ក៏បានបើកបុកនាវាវៀតណាមផងដែរ។ ការវាយ ប្រហារនេះ បានបង្កឱ្យមានការខូចខាតសម្ភារ និងរងរបួសដល់មនុស្សជាច្រើន។ កងនាវាចិនមិនបានបញ្ឈប់ ឡើយ ចាប់តាំងពីមានការឡោមព័ន្ធនាវានេសាទរបស់វៀតណាមមកនោះ ត្រួតពិនិត្យ និងតាមប្រ មាញ់នាវាទាំងអស់នេះ។ នាវាចិនក៏បានវាយប្រហារ និងបានគំរាមកំហែងដល់អាយុជីវិតរបស់ពួក អ្នកនេសាទវៀតណាម។ ថ្មីៗនេះនាវាចិនលេខ ១១២០៩ បានបើកបុកនាវានេសាទរបស់ខេត្តដា ណាង នៅក្នុងទីកន្លែងនេសាទជាទម្លាប់ប្រពៃណីនៃប្រជុំកោះហួងសា (Paracel) របស់ប្រទេស វៀតណាម។
នៅចុងខែឧសភា ២០១៤ ចិនបានផ្លាស់ប្តូរទីតាំងនៃស្ថានីយ៍អណ្តូងខួងប្រេងកាត នៅត្រង់ ចំណុច ១៥អង្សា ៣៣នាទី ២២វិនាទី នៃរយៈទទឹងខាងជើង និង ១១១អង្សា ៣៤នាទី ៣៦វិនាទី នៃរយៈ បណ្តោយខាងកើត ពីកោះទ្រីតុននៃប្រជុំកោះហួងសារបស់វៀតណាម ចម្ងាយ ២៣មីលម៉ារាំង នៅ ចន្លោះឧត្តរ និងឦសានពីទីតាំំងចាស់។ប្រការនេះបានធ្វើឱ្យប៉ះពាល់ដល់សិទ្ធិអធិបតេយ្យ និងយុត្ថា ធិការរបស់ប្រទេសវៀតណាម៕
មតិយោបល់