ខ្សែការពារសញ្ជាតិប្រេស៊ីល កីឡាករ David Luiz បានសម្តែងនូវភាពរីករាយរបស់ខ្លួន ដោយបានផ្លាស់ទៅកាន់ក្លិប PSG និង បន្តរៀបចំខ្លួនសម្រាប់ការប្រកួត World Cup ។កីឡាករ David Luiz បានបញ្ជាក់កាលពីសប្តាហ៍កន្លងទៅ ថាកាត់នឹងចាកចេញពីពហុកីឡដ្ឋាន Stamford Bridge បន្ទាប់ពីយល់ព្រមទៅកាន់ក្លិបអ្នកមានរបស់បារាំង ដោយតម្លៃខ្លួន ៥០ លានផោន ដែលជាប់ជាកីឡាករខ្សែការពារថ្លៃ មួយរូបដែរ។
កីឡាករវ័យ ២៧ ឆ្នាំ រូបនេះ បានជួយឲ្យតោខៀវ ឈ្នះក្របខណ្ឌ Champions League , Europa League និង FA Cup ក្នុងរយៈពេល ៣ រដូវកាលដែលគាត់បានលេងឲ្យតោខៀវ ។
កីឡាករ David Luiz បានប្រាប់ដល់ Daily Star ថា “ខ្ញុំបានព្យាយាមជួសជុសចំនុចខ្វះខាត គ្រប់យ៉ាង មុនពេលការជ្រើសរើសនេះ “។ កីឡាករនេះបន្តថា លោកពិតជារីករាយខ្លាំងណាស់នៅតោខៀវ ក៏ប៉ុន្តែចាប់ពីនេះទៅវាជាដំណាក់កាលថ្មី មួយលើគម្រោងថ្មី ដោយលេងនៅប្រទេសដែលមានភាសាថ្មីដែលខ្លួនមិនចេះ ដោយចាប់ផ្តើមនៅរដូវកាលក្រោយ។
អតីតកីឡាករ Benfica បានបន្ថែមទៀតថា លទ្ធផលកុងត្រានឹងប្រកាសនៅពេលដែល ទីផ្សារបើកចំហរ ក៏ប៉ុន្តែការចុះហត្ថលេខាគឺត្រូវបានធ្វើរួចជាស្រេច ៕
មតិយោបល់