ការដកដង្ហើមបានត្រឹមត្រូវមិនត្រឹមតែជួយរាងកាយឲ្យមានសុខភាពល្អប៉ុណ្ណោះទេ ថែមទាំងអាចព្យាបាលជំងឺជាច្រើនផងដែរ។ ដូច្នេះ ដើម្បីថែរក្សាសុខភាពឲ្យបានល្អ សូមចាប់ផ្តើមហាត់រៀនប្រចាំសប្តាហ៍ពីការធ្វើលំហាត់ដកដង្ហើម។
ការដកដង្ហើមមានតួនាទីសំខាន់នៅក្នុងរាងកាយរបស់មនុស្សយើង។ យើងដកដង្ហើមប្រហែលជា ២០,០០០ ដងក្នុង ១ ថ្ងៃ។ ទោះបីជាការដកដង្ហើមហាក់បីដូចជាសកម្មភាពដែលមានពីធម្មជាតិក៏ពិតមែន ប៉ុន្តែគ្មានអ្នកណាម្នាក់ដឹងពីរបៀបដកដង្ហើមឲ្យបានត្រឹមត្រូវនោះទេ។ អស់រយៈពេលជាយូរណាស់មកហើយ ឱសថចិនផ្តោតសំខាន់លើដង្ហើម។ តែក្រោយមកឱសថខាងវេស្ទឺនត្រូវបានបង្កើត និងទទួលស្គាល់ពីសារៈសំខាន់នៃថាមពល។ សមាគមន៍អ្នកជំនាញខាងចិត្តសាស្ត្រលោក រីឆាតប្រោន នៅសាកលវិទ្យាល័យកូឡាំបៀបានបន្ថែមថា៖ ប្រភពថាមពលដែលសំខាន់បំផុត គឺខ្យល់អុកស៊ីសែន។ រាងកាយអាចទទួលបានខ្យល់អុកស៊ីសែនក្នុងវិធីដែលសាមញ្ញបំផុតដូចជាការផ្លាស់ប្តូរវិធីដែលយើងដកដង្ហើម។ ការដកដង្ហើមបានត្រឹមត្រូវ មិនត្រឹមតែជួយយើងឲ្យមានសុខភាពល្អប៉ុណ្ណោះទេ វាថែមទាំងអាចផ្តល់ប្រសិទ្ធិភាពក្នុងការព្យាបាលជំងឺ ជាពិសេសជំងឺរ៉ាំរ៉ៃ, ជំងឺហឺត, ជំងឺក្រពះ, ជំងឺតានតឹង…។ អ្នកក៏អាចចាប់យកជំងឺផ្សេងៗពីការដកដង្ហើម។ ការដកដង្ហើមលឿន, ខ្លីបង្ហាញថាក្រពេញតម្រងនោមមានបញ្ហាហើយនឹងប្រហែលជាវាបានបំផ្លាញអរម៉ូនក្រសោមខួរក្បាលធ្វើឲ្យអ្នកមានភាពតានតឹង។ នៅពេលរាងកាយរបស់អ្នកមានភាពតានតឹង កោសិកាភាពស៊ាំនឹងចុះអន់ថយ ធ្វើឲ្យបាក់តេរីតូចៗងាយនឹងបង្កឡើង។
សំណាងល្អ មានវិធីសាមញ្ញៗអាចកែប្រែស្ថានភាពនេះបាន។ ព្យាយាមអនុវត្តន៏លំហាត់ដកដង្ហើមដូចខាងក្រោម៖
ដកដង្ហើមឲ្យបានត្រឹមត្រូវដើម្បីសុខភាពល្អចាប់ផ្តើមរៀនពីរបៀបដកដង្ហើមឲ្យបានត្រឹមត្រូវ
១. ដង្ហើមត្រង់ក្បាលពោះ
លំហាត់បែបនេះផ្តល់នូវខ្យល់អុកស៊ីសែនច្រើនទៅដល់សួត ជួយចរាចរណ៍ផ្លូវដង្ហើមបានល្អ ជួយកាត់បន្ថយភាពតានតឹង…។
វិធីធ្វើ៖
– ដេកចុះ លើកជង្គង់ឡើង ដាក់ដៃម្ខាងក្រោមទ្រូង និងដៃម្ខាងទៀតលើទ្រូង
– ដកដង្ហើមយឺតៗ
– នៅពេលអ្នកដកដង្ហើមចេញ ត្រូវខាំបបូរមាត់។ ក្នុងពេលដកដង្ហើមចូល និងដកដង្ហើមចេញ ត្រូវរក្សាការដាក់ដៃនៅលើទ្រូង។ ធ្វើលំហាត់បែបនេះ ៣ ដងក្នុងមួយថ្ងៃរយៈពេលពី ៥ ទៅ ១០ នាទី។ ប្រសិនបើអ្នកអនុវត្តបានគ្រប់គ្រាន់ អ្នកនឹងចាប់ផ្តើមដកដង្ហើមបែបនេះដោយស្វ័យប្រវត្តិ។
២. ដកដង្ហើមតាមរន្ធច្រមុះតែម្ខាង
នេះជាតិចនិចបែបយូហ្គាដែលធ្វើឲ្យមានអារម្មណ៍ធូរស្បើយ កាត់បន្ថយការលើសឈាម មិនដុះក្បាលពោះ បង្កើនសតិសម្បជញ្ញៈ។
វិធីធ្វើ៖
– ប្រើមេដៃស្តាំបិទរន្ធច្រមុះខាងស្តាំ និងដកដង្ហើមចូលយឺតៗតាមរន្ធច្រមុះខាងឆ្វេង
– បន្ទាប់មកបិទរន្ធច្រមុះខាងឆ្វេងម្តងហើយបើករន្ធច្រមុះខាងស្តាំ រួចដកដង្ហើមចេញយឺតៗតាមរន្ធច្រមុះខាងស្តាំ
– បើករន្ធច្រមុះខាងស្តាំ ដកដង្ហើមចូលបន្ទាប់មកបិទម្តងទៀត ផ្លាស់ប្តូរគ្នា។ បន្តការធ្វើបែបនេះចំនួន ៥ ដង។ អ្នកអាចធ្វើលំហាត់បែបនេះនៅពេលណាដែលអ្នកភ័យ។
៣. បិទដង្ហើមពេលបិទមាត់
នេះជាលំហាត់មួយដើម្បីបង្កើននូវភាពវាងវៃ។ វាអាចជួយបង្កើនថាមពល។
វិធីធ្វើ៖
– បិទមាត់របស់អ្នក, ដកដង្ហើមចូល និងចេញឲ្យបានលឿន។ ធ្វើបែបនេះ ៣ ដងក្នុង ១ វិនាទី ១៥ នាទីបន្ទាប់មកសម្រាក
– បន្ទាប់មកបង្កើនការធ្វើបែបនេះរហូតដល់ ៣០ វិនាទី ក្រោយមករហូតដល់ ១ នាទី៕
មតិយោបល់