ជនសង្ស័យ ដែលជាមុខសញ្ញា Hacker ម្នាក់ទៀតត្រូវបានសមត្ថកិច្ចឃាត់ខ្លួន កាលពីថ្ងៃទី០៣ខែមិថុនា ឆ្នាំ ២០១៤ កន្លងទៅនេះ ពីបទចោទប្រកាន់ថាបានរំខានដល់ប្រព័ន្ធគេហទំព័រនានារបស់រាជរដ្ឋាភិបាល។
យោងតាមប្រភពព័ត៌មានបានឲ្យដឹងថា នៅថ្ងៃទី០៣ ខែមិថុនា ឆ្នាំ២០១៤ នាយកដ្ឋានសន្តិសុខផ្ទៃក្នុងបានសហការជាមួយព្រះរាជអាជ្ញានៃអយ្យការអមសាលាដំបូងរាជធានីភ្នំពេញធ្វើការឃាត់ខ្លួនមុខសញ្ញាបន្ថែមទៀត ដែលបានធ្វើសកម្មភាពវាយប្រហារតាមប្រព័ន្ធបច្ចេកវិទ្យាព័ត៌មានមកលើរាជរដ្ឋាភិបាល។
អានព័ត៌មាន៖ Anonymous បានអះអាងថា ខ្លួនបានជ្រៀតចូល Server ក្រុមហ៊ុន Cellcard
ជនសង្ស័យដែលជាមុខសញ្ញាធ្វើសកម្មភាពវាយប្រហារតាមប្រព័ន្ធបច្ចេកវិទ្យាព័ត៌មានមកលើរាជរដ្ឋាភិបាលមានឈ្មោះ ជិន នាងលាងម៉េង (ហៅ Attacker Fiber) ភេទប្រុស អាយុ១៧ឆ្នាំ ជនជាតិខ្មែរ មានទីលំនៅបច្ចុប្បន្ន ផ្ទះលេខ ២៥៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ជាសិស្សថ្នាក់ទី១១ នៃវិទ្យាល័យហ៊ុន សែនចាក់អង្រែក្រោម។
អានព័ត៌មាន៖ វីដេអូបង្ហាញពីការចាប់ខ្លូន Hacker ខ្មែរ កាលពីមុនថ្ងៃចូលឆ្នាំខ្មែរ
ជនសង្ស័យបានឆ្លើយសារភាពថា នធ្វើការវាយប្រហារទៅលើគេហទំព័ររបស់ស្ថាប័ន និងអង្គភាពជាច្រើនទាំងឯកជននិងរដ្ឋ ដើម្បីកែទំព័រដើម លួចព័ត៌មាន លួចទិន្នន័យ បំផ្លាញប្រព័ន្ធសុវត្ថិភាពបំបែក ប្រព័ន្ធសុវត្ថិភាព ធ្វើឲ្យរអាក់រអួលដំណើរការមិនបាន ក្នុងបំណងបញ្ជាក់ពីសមត្ថភាពរបស់ខ្លួន និងឆន្ទៈស្វែងរកសិទ្ធិសេរីភាពក្នុងការបញ្ចេញមតិផ្សេងៗនិងដើរតាមក្រុមរបស់ខ្លួន ដែលមានឈ្មោះ Rogur Spy និងឈ្មោះ Hero។
គួរបញ្ជាក់ផងដែរថា ជិន នាងលាងម៉េង ជាអ្នកគ្រប់គ្រង Anonymous Cambodia Page ដោយប្រើឈ្មោះ Attacker Fiber៕
អានអត្ថបទ៖ តើ Hacker ទាំងពីររូបដែលទើបចាប់ខ្លួនកាលពីថ្មីៗនេះ មានទោសធ្ងន់ធ្ងរកម្រិតណា?
មតិយោបល់