ខ្សែប្រយុទ្ធរបស់ក្លិប Barcelona លោក Lionel Messi គឺជាកីឡាករដ៏មានតម្លៃបំផុត នៅលើពិភពលោក ហើយតម្លៃស្ទើតែស្មើ ២ដងទៅនឹងកីឡាករ Cristiano Ronaldo នេះបើយោងតាមរបាយការណ៍អង្កេតការណ៍បាល់ទាត់ CIES ។
ការសិក្សាទៅលើកីឡាបាល់ទាត់ប្រចាំឆ្នាំ២០១៤ នេះ ដោយចង់ក្រងទិន្នន័យកាលពីឆ្នាំ ២០០៥មកបានឲ្យដឹងថា តម្លៃខ្លួន កីឡាករ Messi គឺមានកម្រិតខ្ពស់បំផុត ដោយចាប់ផ្តើមគឺ តម្លៃ ១៦១,៥ លាន ផោន បើធៀបនឹងកីឡាករ ដែលមានពាន Ballon d’Or កាន់ក្នុងដៃនាពេលបច្ចុប្បន្ន Ronaldo ស្ថិតនៅលំដាប់ទី ២ ដោយមានតម្លៃខ្លួន ៨៥,២ លានផោន។
សម្រាប់ខ្សែប្រយុទ្ធហង្សក្រហម Luis Suarez បំពេញនៅលេខរៀងទី ៣ ជាមួយនឹងការប៉ាន់ស្មាន តម្លៃ ៧៩,៤ លានផោន និងតាមពីក្រោយ ដោយកីឡាករ Eden Hazard ខ្សែបម្រើតោខៀវ គឺ ៦១,២ ផោន ខណៈដែល Neymar គឺ ៥០,៦ លានផោន ។
ក៏ប៉ុន្តែអ្វីដែលគួរឲ្យចាប់អារម្មណ៍នោះ គឺ កឡាករ Gareth Bale បែរជាស្ថិតនៅលេខរៀងទី ៧ ក្នុងបញ្ជីទៅវិញ ដោយមានតម្លៃ តែ ៥០,៩ លានផោន ប្រហែល ៨៥ លានដុល្លារ ដែលខុសពីអ្វីដែលព័ត៌មានចុះនាពេលបច្ចុប្បន្នទៅវិញ៕
មតិយោបល់