របបយោធាថៃបានប្រកាសលុបចោលបម្រាមគោចរនៅក្នុងខេត្តក្រាប៊ី និង ផាងង៉ា ស្រុកហួហ៊ីន របស់ខេត្តប្រាជួប ឃីរីខាន់ ព្រមទាំងស្រុកចា-អាម របស់ខេត្ត ផិតបូរី ដែលចូលជាធរមានជាបន្ទាន់។ នេះបើយោងតាមប្រភពព័ត៌មានក្នុងស្រុកថៃ ចុះផ្សាយកាលពីយប់ថ្ងៃសុក្រ កន្លងទៅ ។
ការប្រកាសនេះត្រូវបានធ្វើឡើង បន្ទាប់ពីសុន្ទរកថាផ្សាយតាមទូរទស្សន៍ប្រចាំសប្តាហ៍ ធ្វើឡើង ដោយក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់ (NCPO) លោក ប្រាយុទ្ធ ចាន់អូចា ដែល ក៏បានទទូចផងដែរដល់ភ្ញៀវបរទេសចរណ៍មកកាន់ប្រទេសនេះ យល់ដឹងឱ្យបានពិតប្រាកដថា គេត្រូវតែ គោរពច្បាប់ ហើយប្រទេសថៃមិនមែនជាកន្លែងមួយ ដែលអ្នកណាមួយអាចធ្វើអ្វីដែលពួកគេចង់ធ្វើ នោះទេ។
នៅក្នុងសុន្ទរកថានោះ លោក ប្រាយុទ្ធ បានរំលឹកឡើងវិញនូវសារសំខាន់នៃការផ្សះផ្សាគ្នាឡើង វិញ ជាជំហានដំបូងនៃផែនទីផ្លូវមាន៣ជំហាន នៅក្នុងការគ្រប់គ្រងប្រទេសដោយនិយាយថា វានឹង រៀបចំផ្លូវសម្រាប់ការបង្កើតឱ្យបានរលូននូវអង្គការនិតិបញ្ញត្តិមួយ រដ្ឋាភិបាលបណ្តោះអាសន្នមួយ ហើយនឹងក្រុមប្រឹក្សាកំណែទម្រង់មួយ ដែលជាមូលដ្ឋានជាជំហានទី២ ។ ជំហានទីបីគឺការបោះ ឆ្នោតមួយ ដែលគេរំពឹងថា នឹងកើតឡើងយ៉ាងហោចណាស់ក្នុងពេល១៤ខែក្រោយមក ។
លោក ប្រាយុទ្ធ ក៏បាននិយាយផងដែរអំពីបណ្តាសេដ្ឋកិច្ចមួយចំនួន ក្នុងអំឡុងសុន្ទរកថា ប្រចាំ សប្តាហ៍លើកទី២របស់លោក ។លោកបាននិយាយថា ថវិកាឆ្នាំសារពើពន្ធ២០១៥នឹងត្រូវគេរៀបចំឡើងឱ្យមានតម្លាភាព ដោយ មានការចូលរួមពីការិយាល័យថវិកា និងគណៈអភិវឌ្ឍន៍សេដ្ឋកិច្ច និងសង្គមជាតិ ។
បញ្ជាក់ផងដែរថាកន្លែងទាំងនេះគឺជាទីដៅទេសចរណ៍ថ្មីបំផុត ដែលគេបានលើកលែងពីបម្រាមគោចរ ដែលបច្ចុប្បន្ន បានដាក់ចាប់ពីពាក់កណ្តាលយប់ រហូតដល់ម៉ោង៤ព្រឹក បន្ទាប់ពីទីក្រុងទេសចរប៉ាតាយ៉ា នៅភាគ ខាងកើតនឹងកន្លែងលំហែកាយកោះភូកេត និងកោះសាមុយ នៅភាគខាងត្បូង ៕
https://i1272.photobucket.com/albums/y389/domneng/3D/Thai_zps0fcb3540.jpg
មតិយោបល់