កំពង់ឆ្នាំង៖ ជនសង្ស័យ២នាក់និងឧបករណ៍ជក់គ្រឿងញៀន ត្រូវបានសមត្ថកិច្ចនគរបាលក្រុងកំពង់ឆ្នាំងសហការជាមួយមន្ត្រីនគរបាលការិយាល័យប្រឆាំងគ្រឿងញៀននៃស្នងការនគបាលខេត្ត ស្ទាក់ចាប់បាននៅពេលជនសង្ស័យ២នាក់ជិះម៉ូតូចូលទៅផ្ទះ មុខសញ្ញាប្រើប្រាស់គ្រឿងញឿន។ ប្រតិបត្តិការបង្ក្រាបករណីនេះបានធ្វើឡើង នៅវេលាម៉ោង៤និង១០នាទីល្ងាចថ្ងៃទី៦ ខែមិថុនា ឆ្នាំ២០១៤ ស្ថិតក្នុងចំណុចផ្ទះមួយកន្លែង នៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ។
សមត្ថកិច្ចបង្ក្រាបករណីនេះបានឲ្យដឹងថា៖ នៅមុនបង្ក្រាប ក្រុមជក់ថ្នាំញៀនខាងលើនេះត្រូវកម្លាំងនគរបាលធ្វើការតាមដានមុខសញ្ញាជក់គ្រឿងញៀនម្នាក់ ដែលបានជិះម៉ូតូចូលទៅផ្ទះមុខសញ្ញាជនសង្ស័យជាអ្នកប្រើប្រាស់គ្រឿងញៀន ខណះនោះសមត្ថកិច្ចនគរបាលក៏បានសហការគ្នាស្ទាក់ឃាត់បានភ្លាមៗដើម្បីធ្វើការត្រួតពិនិត្យ និងឆែកឆេរជនសង្ស័យ ហើយដកហូតបានម៉ូតូ១គ្រឿងម៉ាកស្មាស់ពណ៍ខ្មៅពាក់ស្លាកលេខ កំពង់ឆ្នាំង1E- 0395 ទូរសព្ទ័ដៃ២គ្រឿង រួមនិងសំភារះជក់គ្រឿងញៀនមួយថង់និងគ្រឿងញៀនប្រភេទម៉ាទឺកកកមួយកញ្ចប់តូចផងដែរ។
សមត្ថកិច្ចបានឲ្យដឹងបន្ថែមទៀតថា៖ ក្រុមក្មេងជក់គ្រឿងញៀនខាងលើនេះ ១ឈ្មោះ ឆាយទ្រី អាយុ១៧ឆ្នាំ នៅក្នុងភូមិម៉ុងបារាំង សង្កាត់ប្អេរ ជាម្ចាស់ផ្ទះហើយក៍ជាអ្នកជក់គ្រឿងញៀន និងជាសិស្សថ្នាក់ទី១២Hវិទ្យាល័យមួយ ២ឈ្មោះ យី ហុងលី អាយុ១៦ឆ្នាំ អតីតសិស្សថ្នាក់ទី១០Eរស់នៅក្នុងភូមិក្តីត្នោត ឃុំស្រែថ្មី ស្រុករលៀប្អៀរ។នៅចំពោះមុខសមត្ថកិច្ចជនសង្ស័យទាំង២នាក់បានសារភាពថាពួកគេបានទិញថ្នាំញៀនខាងលើនេះពីឈ្មោះ វី រស់នៅភូមិព្រៃខ្មែរ ឃុំរលាប្អៀរ ស្រុករលាប្អៀរ ក្នុងតម្លៃ១០ម៉ឺនរៀលមួយកញ្ចប់ ខណះដែលគេខ្ចីម៉ូតូមិត្តភក្ត័ជិះ មកយកគ្នាគេម្នាក់ទៀតបំរ៉ុងទៅជក់នៅផ្ទះសំណាក់សាន់ដេរ២ក៍ត្រូវសមត្ថកិច្ចឃាត់ខ្លួនបានតែម្តង។
ក្រោយពេលឃាត់ខ្លួនបានជនសង្ស័យទាំង២នាក់រួមនិងវត្ថុតាងខាងលើនេះត្រូវបានសមត្ថកិច្ចបញ្ជូនមកស្នងការនគបាលខេត្ត និងបើកការស្រាវជ្រាវរកមុខមេក្លោងចែកចាយថ្នាំញៀនបន្តទៀត។ ដោយឡែកជនសង្ស័យទាំង២នាក់ខាងលើត្រូវបានសមត្ថកិច្ច កសាងសុំណុំរឿងនិងបញ្ជូនខ្លួនទៅសាលាដំបូងខេត្តនៅថ្ងៃអាទិត្យមុននេះ៕
//i1272.photobucket.com/albums/y389/domneng/3D/K1_zps61081d85.png
មតិយោបល់