បវរកញ្ញាពិភពលោករបស់ថៃ បានលាលែងបីតំណេង ជាង ១ ខែ ក្រោយពីនាង រិះគន់យ៉ាងឃោឃៅ នៅប្រពន្ធបណ្តាញផ្សព្វផ្សាយ សង្គម ទៅបញ្ហានយោបាយ ។
នាង Weluree Ditsayabut អាយុ ២២ ឆ្នាំ បានប្រកាសទាំងទឹកភ្នែកកាលពីថ្ងៃចន្ទថា នាងបានបោះបង់ពានរង្វាន់នោះចោលហើយ ដែលជាពានរង្វាន់បវរកញ្ញាពិភពលោក ។
តារាសម្តែង និង ជាបវរកញ្ញារូបនេះ បាននិយាយនៅកញ្ជក់ទូរទស្សន៍ថៃថា នាង បិតជាសប្បាយរីករាយណាស់ ដែលបានឈ្នះពានរង្វាន់ បវរកញ្ញាពិភពលោក ក៏ប៉ុន្តែ ដោយសារតែ រងការរិះគន់ មិនសំថៃមាត់ ខណៈនាង បញ្ចេញមតិយ៉ាងឃោឃៅ លើបណ្តាញ សង្គម ពាក់ព័ន្ធនឹងរឿងនយោបាយ ធ្វើឲ្យ គេស្អប់នាង និងក្រុមគ្រួសារនាង។
នាង Weluree Ditsayabut បានរងការរិះគន់ ដោយសារតែនាង បង្ហោះពាក្យ វាយប្រហារទៅលើ ក្រុមអាវក្រហម ដែលគាំទ្រអតីតរដ្ឋាភិបាល ដោយចោទប្រកាន់ក្រុមអាវក្រហម ប្រឆាំងនឹងរាជាធិបតេយ្យ របស់ថៃ ។
លើហ្វេសប៊ុកនាង បានសរសេរថា “ក្រុមអាវក្រហម អ្នកគួរតែចាកចេញពីទីនេះ” ដោយនាងបានសរសេរតាំងពីពាក់កណ្តាលខែ វិច្ឆិកា មុននាង ឈ្នះពានរង្វាន់បវរកញ្ញាពិភពលោក ប្រចាំប្រទេសថៃ ។ ក្នុងនោះ អ្វីដែលធ្វើឲ្យគេចាប់អារម្មណ៍បំផុត នូវពាក្យសរសេរចុងក្រោយរបស់នាង ថា “ដីរបស់ថៃកខ្វក់ ដោយសារតែប្រជាជនប្រឆាំង និងព្រះមហាក្សត្រដូចជាពួកអ្នក” ។
ក្នុងការប្រកាសលាលែងតំណែង កាលពីថ្ងៃចន្ទ នេះ នាងបានឲ្យដឹងថា “ដោយសារតែការរិះគន់របស់ខ្លួន បានធ្វើឲ្យសុភមង្គលដែលធ្លាប់មាន ត្រូវបានបាត់បង់ទាំងស្រុង” ។
ការបញ្ចេញយោបល់របស់នាង លើហ្វេសប៊ុក គឺបានវាយប្រហារទៅលើ អ្នកដែលគាំទ្រ អតីតរដ្ឋាភិបាល អ្នកស្រី យីងឡាក់ ដែលធ្វើឲ្យអ្នកគាំទ្រក្រុមអាវក្រហម ខឹងសម្បារយ៉ាងខ្លាំង ទៅលើរូបនាង និងបរិហារនាងមិនសំចៃមាត់៕
https://i1272.photobucket.com/albums/y389/domneng/3D/Thai2_zps969a616a.jpg
នាង Weluree Ditsayabut រូបកណ្តាល
មតិយោបល់